نیتاجی کی بھتیجی کے انتقال پر وزیر اعظم کا اظہار تعزیت

وزیراعظم نریندر مودی نے جمعہ کو نیتا جی سبھاش چندر بوس کی بھتیجی چترا گھوش کے انتقال پر تعزیت پیش کرتے ہوئے کہا کہ انہوں نے سماجی زندگی اور تعلیم کے شعبے میں گراں قدر خدمات انجام دی ہیں۔

پروفیسر چترا گھوش گزشتہ رات انتقال کر گئیں۔ وہ (90) برس کی تھیں۔ نیتا جی سبھاش چندر بوس کے بھائی شرت چندر بوس کی چھوٹی بیٹی تھیں۔

وزیر اعظم مودی نے پروفیسرگھوش کی تصویر شیئر کرتے ہوئے ٹویٹ کیا کہ 'پروفیسر چترا گھوش نے سوشل زندگی اور تعلیم کے شعبہ میں کلیدی کردار ادا کیا۔ جب میری ان سے ملاقات ہوئی تھی تو ہم نے نیتا جی سبھاش چندر سمیت متعدد موضوعات پر کافی گفتگو کی تھی۔'

ٹویٹ

نیتاجی سبھاش چندر بوس سے متعلق فائلوں پر بھی بات چیت ہوئی تھی۔ ان کے انتقال پر افسوس ہوا۔ ان کے اہل خانہ سے اظہار تعزیت، اوم شانتی۔'