Agnipath protests in Bihar: بکسر میں اگنی پتھ اسکیم کے خلاف احتجاج جاری

بکسر میں اگنی پتھ اسکیم کے خلاف احتجاج میں آج دوسرے دن بھی ہزاروں طلباء ہاتھوں میں ترنگا جھنڈا لے کر ریلوے ٹریک پر اترے ہیں۔ طلباء کا کہنا ہے کہ اگر ایک رکن اسمبلی کو پانچ سال کا موقع ملتا ہے تو پھر اسے چار سال کا موقع کیوں دیا جا رہا ہے۔ Protest Against Agneepath Recruitment Scheme

بکسر: مرکزی حکومت کے نوجوانوں کی فوج میں بھرتی کے لیے اگنی پتھ اسکیم کے خلاف بہار میں دوسرے دن بھی احتجاج جاری ہے۔ آج صبح ہزاروں طلباء ایک بار پھر سڑکوں پر نکل آئے اور حکومت کے خلاف نعرے بازی کرتے ہوئے احتجاج کیا۔ طلباء شہر کے جیوتی چوک، اسٹیشن روڈ کو جام کرکے مرکزی حکومت کے خلاف نعرے بازی کررہے ہیں۔ طلباء نے اپ اور ڈاؤن لائنوں کو بھی متاثر کردیا ہے۔ Student protest against agneepath recruitment scheme in buxar

بتادیں کہ بدھ کو اگنی پتھ اسکیم کے خلاف طلبہ نے بکسر میں ریلوے ٹریک پر بیٹھ کر ہنگامہ کیا۔ تاہم پولیس نے انہیں وہاں سے ہٹا دیا۔ نوجوانوں کا کہنا تھا کہ 4 سال سے بھرتی ہونا حق روزگار کی خلاف ورزی ہے۔ طلباء کا کہنا ہے کہ اگر ایک رکن اسمبلی کو پانچ سال کا موقع ملتا ہے تو پھر اسے چار سال کا موقع کیوں دیا جا رہا ہے۔