بانہال میں بس سٹینڈ کے لیے بیو پار منڈل کی ہڑتال

ضلع رام بن کے یوپار منڈل کے صدر نصیر احمد نے انتظامیہ سے پرانی بستی میں کچھ گاڑیوں کو کھڑی کرنے کی اجازت طلب کی ہے۔ ان کا کہنا ہے کہ اگر انتظامیہ نے ہمارا یہ مطالبہ پورا نہیں کیا تو ہم ہڑاتال جاری رکھیں گے

جموں و کشمیر ضلع رام بن کے بانہال میں بیو پار منڈل کی جانب سے بند کی کال دی گئی، جس کے سبب تمام کاروباری ادارے اور لوکل ٹرانسپورٹ متاثر رہا۔

دراصل بیوپار منڈل کے صدر نصیر احمد نے بتایا کہ ہم نے کئی دفعہ انتظامیہ کو اس حوالے سے مطلع کروایا کہ جہاں پہلے بس اسٹینڈ تھا دوبارہ اسی بس اسٹینڈ پر کچھ گاڑیوں کو کھڑے ہونے کی اجازت دی جائے تاکہ مسافروں کے ساتھ ساتھ بیماروں کو بھی آسانیاں پیدا ہوں اور اگر انتظامیہ نے ہمارا یہ مطالبہ پورا نہیں کیا تو ہم ہڑاتال جاری رکھیں گے۔

ہمارا مطالبہ ہے کہ پرانی بستی میں کچھ گاڑیوں کو کھڑے ہونے کی اجازت دی جائے۔ ڈرائیوز اپنی گاڑیاں بند کر کے اس ہڑتال میں شامل ہوگئے ہیں۔