Stones Pelted At Rally بائیک ریلی پر پتھراؤ کے الزام میں گیارہ نوجوان زیر حراست

راجستھان پولیس نے گیارہ نوجوانوں کو حراست میں لیا ہے۔ الزام ہے کہ ہندو رنبھیری بائیک ریلی پر پتھراؤ کرنے والوں میں مذکورہ نوجوان بھی شامل تھے۔ Stones pelted at Hindu bike rally in Jaipur

جے پور: راجستھان پولیس نے اتوار کو جے پور رورل میں نکالی جانے والی ہندو رنبھیری بائیک ریلی پر پتھراؤ کرنے کے الزام میں 11 نوجوانوں کو حراست میں لے لیا۔ حکام نے پیر کو یہ جانکاری فراہم کی ہے۔ جے پور کے دیہی علاقے میں کچھ لوگوں نے ہندو رنبھیری بائیک ریلی پر پتھراؤ کیا، جس کے بعد علاقے میں کشیدگی پیدا ہوگئی۔ ریلی کی سیکیورٹی کے لیے تعینات پولیس فوری صورتحال پر قابو پانے میں ناکام رہی۔ عجلت میں پولیس کی بھاری نفری کو بلا کر شرپسندوں کو بھگا دیا گیا۔ اس دوران پولیس نے 11 سے زائد نوجوانوں کو حراست میں لے لیا ہے۔

پولیس حکام نے بتایا کہ جموارم گڑھ کے رائسر علاقے کے تلہ گاؤں میں ہندووں نے نئے سال کے موقعے پر ایک ریلی نکالی۔ اس دوران کچھ شرپسندوں نے پتھراؤ کیا۔ حکام نے بتایا کہ صورتحال فی الحال قابو میں ہے۔ ہندو رنبھیری بائیک ریلی اتوار کی صبح تقریباً 10.15 بجے کھیل میدان چندواجی سے شروع ہوئی اور مختلف علاقوں سے گزری۔ کچھ شرپسند عناصر نے رات 3 بجے کے قریب رائسر تھانہ علاقہ کے تلہ جوہرہ کے قریب ریلی پر پتھراؤ کیا۔ ریلی میں موجود سادھورام جاٹ کی جانب سے رائسر پولیس اسٹیشن میں ایک کیس درج کیا گیا ہے۔ دوسری جانب راجستھان بی جے پی نے اس واقعہ کی مخالفت کی ہے۔

بی جے پی ایم ایل اے اور پارٹی کے ترجمان رام لال شرما نے جے پور میں فرقہ وارانہ واقعات پر کانگریس حکومت پر حملہ کیا۔ انہوں نے کہا بھگوا ریلی پر اچانک ایک خاص برادری کے لوگوں نے حملہ کیا اور پتھراؤ کیا، جس کے بعد پولیس نے 11 لوگوں کو حراست میں لے لیا۔ ان 11 لوگوں میں کئی ایسے لوگ ہیں جو مشتبہ ہیں اور گاؤں کے رہائشی نہیں ہیں۔ بھارتیہ جنتا پارٹی نے کارروائی کا مطالبہ کیا ہے۔