Stone Pelting In Jahangirpuri: جہانگیر پوری میں پتھراؤ، دو ملزمین گرفتار

دہلی کے جہانگیر پوری علاقے میں ایک بار پھر پتھربازی کا واقعہ پیش آیا ہے۔ اس سلسلے میں پولیس نے دو ملزمین کو گرفتار کر لیا ہے۔Stone Pelting In Jahangirpuri

دہلی: قومی دارالحکومت دہلی کے جہانگیر پوری علاقے میں منگل کی رات پتھر بازی کا واقعہ سامنے آیا ہے۔ بدھ کی صبح اس سے متعلق ایک سی سی ٹی وی فوٹیج بھی سامنے آئی ہے۔ اس میں کچھ لڑکے کالونی کے اندر پتھر پھینکتے نظر آ رہے ہیں۔ اس فوٹیج کی بنیاد پر دو ملزمان کو دہلی پولیس نے گرفتار بھی کیا ہے۔Video shows stone-pelting between two groups in Delhi’s Jahangirpuri

اس پورے معاملے پر ڈی سی پی نارتھ ویسٹ اوشا رنگرانی نے کہا کہ لڑائی اور پتھراؤ کے واقعہ کے بارے میں مہیندر پارک پولیس اسٹیشن میں شکایت کی گئی تھی۔ دو روز قبل کچھ لوگوں کے درمیان جھگڑا ہوا تھا جس کی وجہ سے ظہیر نامی شخص اور اس کے ساتھی کچھ لڑکوں کو ڈھونڈنے آئے تھے۔ وہ مبینہ طور پر نشے میں تھے۔ جس کے بعد ان لوگوں نے علاقے میں پہنچ کر پتھراؤ شروع کر دیا جس سے تین گاڑیوں کے شیشے بھی ٹوٹ گئے۔

انہوں نے کہا کہ جہانگیر پوری میں رہنے والے وشال اور ویرو نامی دو لوگوں کو اس معاملے میں گرفتار کیا گیا ہے اور دیگر کو جلد ہی گرفتار کر لیا جائے گا۔ ڈی سی پی نے یہ بات واضح طور پر کہی کہ اس جھگڑے کا کوئی فرقہ وارانہ زاویہ نہیں ہے کیونکہ دونوں گروہ ایک ہی برادری سے تعلق رکھتے ہیں۔ اس واقعے میں کوئی زخمی نہیں ہوا ہے۔