سرینگر: خانیار میں پولیس پر ہوئے حملے کی سیاسی جماعتوں نے کی مذمت

جموں وکشمیر میں واقع کئی جماعتوں نے خانیار میں پولیس پر عسکریت پسندوں کے ذریعے کئے گئے حملے کی شدید مذمت کی ہے.

نیشنل کانفرنس نے ٹویٹر پر اسٹیٹمنٹ جاری کرتے ہوئے اس حملے کی مذمت کی ہے. انہوں نے کہا کہ عسکریت پسندوں نے جارحانہ حرکت کا مظاہرہ کرتے ہوئے سب انسپکٹر ارشد کو مار دیا ہے. انہوں نے اپنے بیان میں متعلقین کے ساتھ اظہار تعزیت پیش کیا ہے.

سرینگر: خانیار میں پولیس پر ہوئے حملے کی سیاسی جماعتوں نے کی مذمت

پیپلز ڈیموکریٹک پارٹی کی چیف محبوبہ مفتی نے بھی ٹویٹ کرکے اس حملے کی مذمت کی ہے. محبوبہ مفتی نے کہا کہ وہ پولیس سب انسپکٹر ارشید احمد کی ہلاکت پر غم زدہ ہے. انہوں نے ان کے اہل خانہ کے ساتھ اظہار تعزیت کیا ہے.

سرینگر: خانیار میں پولیس پر ہوئے حملے کی سیاسی جماعتوں نے کی مذمت

وہیں پیپلز کانفرنس کے رہنما سجاد غنی لون نے بھی عسکریت پسندوں کے ذریعے انجام دیئے گئے حملے کی مذمت کرتے ہوئے کہا کہ عسکریت پسندوں نے ایک بار پھر حملہ کرکے یتیموں کی فوج میں اضافہ کیا ہے.

ادھر اپنی پارٹی نے بھی عسکریت پسندوں کے ذریعے کئے گئے حملے کی شدید مذمت کی ہے. پارٹی چیف الطاف بخاری نے کہا کہ ایسے جارحانہ حملوں سے لوگوں کی مصیبتوں میں مزید اضافہ کے علاوہ عسکریت پسندوں کو کچھ حاصل نہیں ہوسکتا ہے. انہوں نے کہا کہ خانیار حملے سے ایک اور اہل خانہ تشدد کا شکار ہوگیا ہے.