کشمیری بچی کے ویڈیو پیغام کا ایل جی نے دیا جواب

گزشتہ دنوں سے سماجی ویب سائٹس پر ایک 6 سالہ کشمیری بچی کا ایک وڈیو کافی زیادہ وائرل ہوا جس میں وہ بچی وزیر اعظم نریندررا مودی کو مخاطب ہوکر زوم آن لائن کلاسز کے حوالے سے شکایات کرتی ہے کہ انہیں ان کلاسز میں زیادہ بوجھ ڈالا جاتا ہے، جبکہ اس نوعیت کے کلاسز اور کام بڑے بچوں کے لئے ہوتے ہیں۔ اس ویڈیو کو لوگوں نے کافی پسند کیا اور اس 6 سالہ بچی کی تعریف کی جارہی ہے۔

قابل ذکر ہے جموں وکشمیر کے لیفٹیننٹ گورنر منوج سنہا نے اس ویڈیو پر نوٹس لیتے ہوئے محکمہ اسکول ایجوکیشن کو ہدایت کی کہ'وہ کمسن بچوں اور طلبہ کے لئے ہوم ورک کے حوالے سے 48 گھنٹوں کے اندر اندر کوئی پالیسی مرتب کریں جس سے بچوں پر دباؤ نہ پڑے۔

منوج سنہا نے ویڈیو پر اپنا رد عمل ظاہر کرتے ہوئے کہا کہ 'بہت ہی معصومانہ انداز میں بچی نے شکایت درج کی ہے، میں نے محکمہ اسکول ایجوکیشن کے ڈائریکٹر کو ہدایت دی ہے کہ وہ اسکول کے بچوں پر ہوم ورک کا بوجھ ہلکا کرنے کے لئے 48 گھنٹوں کے اندر اندر پالیسی بنائیں'۔