سرینگر: سی آر پی ایف کیمپ پر گرینیڈ حملہ

سرینگر میں ہفتے کے روز نامعلوم عسکریت پسندو نے سی آر پی ایف کیمپ پر گرینیڈ حملہ کیا۔

جموں و کشمیر کی گرمائی دارالحکومت سرینگر میں ہفتے کے روز نامعلوم عسکریت پسندو نے سی آر پی ایف کیمپ پر گرینیڈ حملہ کیا جس کے نتیجے میں ایک اہلکار زخمی ہو گیا۔

سی آر پی ایف کے ترجمان ابھیرام نے ای ٹی وی بھارت کو بتایا کہ "عسکریت پسندوں نے شہر کے صنعت نگر علاقے میں واقع 132 بٹالین کے کیمپ پر گرینیڈ پھیکا جس کے نتیجے میں ہمارے ایک جوان کو معمولی چوٹ آئی ہے۔ جوان کو ہسپتال میں منتقل کر دیا گیا ہے۔"

اُن کا مزید کہنا تھا کہ "سرینگر پہلے سے ہی سیکیورٹی ہائی الرٹ پر ہے اور حملے کے بعد علاقے کو محاصرے میں لے لیا گیا ہے اور تلاشی کاروائی جاری ہے۔