South Africa Reached in Final جنوبی افریقہ پہلی بار ٹی20 ورلڈ کپ کے فائنل میں

آئی سی سی ویمنز ٹی ٹوئنٹی کے دوسرے سیمی فائنل میں جنوبی افریقہ نے انگلینڈ کو 6 رنز سے شکست دے دیا ہے۔ اس کے ساتھ ہی جنوبی افریقہ کی ٹیم فائنل میں پہنچ گئی ہے۔ فائنل میں جنوبی افریقہ کا مقابلہ آسٹریلیا سے ہوگا۔ فائنل 26 فروری کو کھیلا جائے گا۔ Women’s T20 World Cup 2023 Semifinal

کیپ ٹاؤن:آئی سی سی ویمنز ٹی ٹوئنٹی ورلڈ کپ میں آسٹریلیا کے فائنل میں پہنچنے کے بعد جنوبی افریقہ نے دوسرے سیمی فائنل میں انگلینڈ کو 6 رنز سے شکست دے کر فائنل میں جگہ بنا لیا ہے۔ دونوں کے درمیان سیمی فائنل کیپ ٹاؤن کے نیو لینڈز گراؤنڈ میں کھیلا گیا۔ جنوبی افریقہ نے ٹاس جیت کر پہلے بیٹنگ کی۔ جنوبی افریقہ کی ٹیم نے 20 اوورز میں 4 وکٹوں کے نقصان پر 164 رنز بنائے۔

جنوبی افریقہ کی جانب سے تزمین برٹس نے سب سے زیادہ 68 رنز بنائے جبکہ لورا ولوارڈٹ نے 53 رنز کی اننگز کھیلی۔ اس کے ساتھ ہی مریجان کپ نے ناباد 27 رنز بنائے۔ انگلینڈ کی جانب سے سوفی ایکلسٹون نے 3 جبکہ لارین بیل نے ایک وکٹ حاصل کیں۔ اس کے بعد 165 رنز کا ہدف حاصل کرنے کے لیے انگلینڈ کی ٹیم مقررہ 20 اوورز میں 8 وکٹوں کے نقصان پر صرف 158 رنز بنا سکی۔ انگلینڈ کی جانب سے سب سے زیادہ نیٹ سکیور برنٹ نے 40، ڈینی وائٹ نے 34، کپتان ہیدر نائٹ نے 31 اور صوفیہ ڈنکلے نے 28 رنز بنائے۔ جنوبی افریقہ کی جانب سے ایابونگا کھاکا نے 4 اور شبنم اسماعیل نے 3 وکٹیں حاصل کیں جبکہ نادین ڈی کلرک نے ایک وکٹ حاصل کیں۔

تاجمین برٹس کو شاندار اننگز کھیلنے پر پلیئر اآف دی میچ قرار دیا گیا۔ اس کے ساتھ اب جنوبی افریقہ آئی سی سی ویمنز ٹی ٹوئنٹی ورلڈ کپ کا فائنل میچ 26 فروری کو آسٹریلیا کے ساتھ کھیلے گا۔ اس سے قبل جنوبی افریقہ پہلی بار سیمی فائنل میں پہنچا تھا۔ بتا دیں کہ 2009 میں انگلینڈ نے اپنی سرزمین پر پہلا آئی سی سی ویمنز ٹی ٹوئنٹی ورلڈ کپ جیتا تھا۔ اس کے بعد انگلینڈ کبھی بھی ورلڈ کپ ٹائٹل نہیں جیت سکا۔ انگلینڈ نے نیوزی لینڈ کو شکست دے کر ٹائٹل جیت لیا۔ اس کے علاوہ انگلینڈ کو 3 مرتبہ فائنل میں پہنچنے کے بعد شکست ہوئی ہے اور آسٹریلیا نے انگلینڈ کو تینوں مرتبہ ورلڈ کپ پر قبضہ کرنے سے روکا ہے۔ اس کے ساتھ ہی آسٹریلیا 5 مرتبہ ٹائٹل کی جنگ جیت چکا ہے۔ ویسٹ انڈیز بھی 2015-16 میں ایک بار ورلڈ کپ جیت چکا ہے۔