پورا ملک آج گاندھی جینتی منا رہا ہے۔ بابائے قوم مہاتما گاندھی کی 153ویں یوم پیدائش کے موقع پر ملک بھر میں پروگرامز منعقد کیے جائیں گے، اسی سلسلے میں آج قومی دارالحکومت دہلی میں سرو دھرم پرتھنا کا بھی اہتمام کیا گیا ہے۔ ذرائع کے مطابق اس پروگرام میں صدر دروپدی مرمو، نائب صدر جگدیپ دھنکھڑ، پی ایم نریندر مودی، کئی مرکزی وزراء سمیت معززین موجود ہوں گے۔ واضح رہے کہ یہ پروگرام راج گھاٹ پر واقع گاندھی سمادھی پر صبح 7:30 سے 8:30 تک منعقد کیا گیا ہے۔153rd Birth Anniversary of Mahatma Gandhi
اقوام متحدہ کے سکریٹری جنرل انتونیو گوٹیرس نے عدم تشدد کے عالمی دن پر ٹویٹ کرتے ہوئے لکھا کہ ہم مہاتما گاندھی کا یوم پیدائش مناتے ہیں، امن و احترام قدریں جو سب کے درمیان مشترک ہیں۔ ہم ان اقدار کو اپنا کر آج کے چیلنجوں کو شکست دے سکتے ہیں۔
کانگریس کی عبوری صدر سونیا گاندھی اور کانگریس کے سینئر لیڈر ملکارجن کھرگے نے راج گھاٹ پر مہاتما گاندھی کو خراج عقیدت پیش کیا۔
بابائے قوم مہاتما گاندھی کی 153 ویں یوم پیدائش پر اتر پردیش میں کئی مقامات پر پروگرام منعقد کیے جائیں گے۔ اس میں ریاست کے سربراہ یوگی آدتیہ ناتھ بھی شرکت کریں گے۔ سی ایم کے شیڈول کے مطابق، یوگی آدتیہ ناتھ بابائے قوم مہاتما گاندھی کے یوم پیدائش کے موقع پر جی پی او گاندھی مجسمہ کے قریب منعقد ہونے والے پھول چڑھانے کے پروگرام میں شرکت کریں گے۔ اس کے بعد سی ایم یوگی آدتیہ ناتھ لکھنؤ میں ہی حضرت گنج میں واقع علاقائی گاندھی آشرم میں بھی شرکت کریں گے۔ سی ایم صبح 10 بجے 5 کالیداس مارگ پر منعقد گاندھی جینتی پروگرام میں بھی شرکت کریں گے۔
انتخابی حکمت عملی ساز پرشانت کشور آج گاندھی جینتی پر مغربی چمپارن میں بھیتی ہاروا گاندھی آشرم سے اپنی 'جن سورج' پد یاترا کا آغاز کریں گے۔ 3500 کلومیٹر کی پد یاترا اگلے ایک سے ڈیڑھ سال میں بہار کے کونے کونے تک پہنچ جائے گی۔ پرشانت کشور نے جن سورج ابھیان کے تحت آنے والے 10 سالوں میں بہار کو ملک کی ٹاپ ٹن ریاستوں میں شامل کرنے کے عزم کے ساتھ اس پد یاترا میں شامل ہونے کی اپیل کی ہے۔
مزید پڑھیں:گاندھی جی کے یوم پیدائش پر خصوصی رپورٹ
پرشانت کشور نے کہا ہے کہ اس پد یاترا کے تین بنیادی مقاصد ہیں۔ پہلا یہ کہ معاشرے کی مدد سے نچلی سطح پر صحیح لوگوں کی نشاندہی کی جائے، دوسرا انہیں جمہوری پلیٹ فارم پر لانے کی کوشش کی جائے، اور تیسرامقامی مسائل اور امکانات کو بہتر انداز میں سمجھا جائے اور ان کی بنیاد پر فہرست بنائی جائے۔ شہروں اور پنچایتوں کی ترجیحات اور ان کی ترقی کے بلیو پرنٹ کی تیاری۔ پد یاترا مغربی چمپارن کے بھیتی ہاروا گاندھی آشرم سے صبح 11:30 بجے شروع ہوگی۔
