Sofi Yousuf on Farooq Abdullah فاروق عبداللہ کے بیان سے عسکریت پسندوں کے حوصلے بلند ہورہے ہیں، صوفی محمد یوسف

جموں و کشمیر بی جے پی کے نائب صدر صوفی محمد یوسف نے کہا کہ فاروق عبداللہ دہری پالیسی اپنا رہے ہیں۔ بھارت کا کھاتے ہیں اور  پاکستان کے گیت گاتے ہیں۔ انہیں متنازع بیانات دینے سے پرہیز کرنا چاہیے۔ Sofi Yousuf on Farooq Abdullah

اننت ناگ: جموں کشمیر بی جے پی کے نائب صدر صوفی محمد یوسف نے نیشنل کانفرنس کے صدر ڈاکٹر فاروق عبداللہ کے اس بیان کی سخت الفاظ میں مذمت کی جس میں انہوں نے کہا تھا کہ وادی میں اس وقت تک ٹارگٹ کلنگس بند نہیں ہوسکتی، جب تک لوگوں کو انصاف نہیں ملتا۔ صوفی یوسف نے کہا کہ فاروق عبداللہ کے اس بیان سے صاف طور پر ظاہر ہوتا ہے کہ وہ اقتدار کے بھوکے ہیں اور یہ بیان اس بات کا اشارہ ہے کہ جب تک ان کو اقتدار نہیں ملے گا تب تک یہاں کشت و خون ہوتا رہے گا۔ Sofi Yousuf condemned Farooq Abdullah's statement

انہوں نے کہا کہ نیشنل کانفرنس ایسے بیانات سے عسکریت پسندی کو حوصلہ دے رہی ہے اور اس سے عسکریت پسندوں اور ان کے معاونین کے ارادے مضبوط ہورہے ہیں۔ انہوں نے مزید کہا کہ فاروق عبداللہ دہری پالیسی اپنا رہے ہیں۔ وہ بھارت کا کھاتے ہیں اور پاکستان کے گیت گاتے ہیں۔ انہیں ایسے بیانات دینے سے پرہیز کرنا چاہیے۔