رائے پور: ریلوے اسٹیشن میں دھماکہ، 6 سی آر پی ایف جوان زخمی

رائے پور ریلوے اسٹیشن پر کھڑی ٹرین میں دھماکے سے سی آر پی ایف کے چھ اہلکار زخمی ہو گئے ہیں۔ شفٹنگ کے دوران ڈیٹونیٹر پھٹنے کی اطلاع ملی ہے۔ جوان جموں جانے والے تھے۔

چھتیس گڑھ کے دارالحکومت رائے پور ریلوے اسٹیشن پر کھڑی ٹرین میں دھماکے سے سی آر پی ایف کے چھ اہلکار زخمی ہو گئے ہیں۔ شفٹنگ کے دوران ڈیٹونیٹر پھٹنے کی اطلاع ملی ہے۔ جوان جموں جانے والے تھے، 6 زخمیوں میں سے ایک جوان شدید زخمی ہے، جسے اسپتال میں داخل کرایا گیا ہے۔

معلومات کے مطابق چھتیس گڑھ کے دارالحکومت رائے پور کے پلیٹ فارم نمبر 2 پر ڈیٹونیٹر پھٹنے کی وجہ سے ایک بڑا دھماکہ ہوا ہے۔ ابتدائی معلومات کے مطابق یہ حادثہ ہفتے کی صبح تقریباً 6.30 (ساڑھے چھ بجے) ڈیٹونیٹر پھٹنے کی وجہ سے پیش آیا۔