شوپیان انکاونٹر میں ایک عسکریت پسند ہلاک

جنوبی ضلع شوپیان میں سکیوریٹی فورسیز اورعسکریت پسندوں کے درمیان ہوئے تصادم میں ایک عسکریت پسند ہلاک ہوا ہے۔ جس کی شناخت مجیب امین لون کے طورپر ہوئی ہے۔

مرکز کے زیر انتظام خطہ جموں و کشمیر کے جنوبی ضلع شوپیان کے رکہامہ علاقہ میں سکیوریٹی فورسز اور عسکریت پسندوں کے درمیان ہوئے تصادم میں ایک عسکریت پسند ہلاک ہوا ہے،جس کی شناخت مجیب امین لون کے طورپر کی گئی ہے۔

تفصیلات کے مطابق سکیوریٹی فورسز جن میں فوج کی 34 آر آر، سی آر پی ایف کی 14 بٹالین اور جموں و کشمیر پولیس شامل تھی آج علی الصبح 4 بجکر 30 منٹ پر رکہامہ کاپرن علاقہ میں عسکریت پسندوں کی چھپے ہونے کی اطلاع موصول ہونے کے بعد علاقہ کو محاصرے میں لیکر تلاشی کارروائی شروع کردی۔

اس دوران 4 بجکر 40 منٹ پر جب سکیوریٹی فورسز کے اہلکار ایک مشتبہ مکان کی طرف بڑھ رہے تھے تو وہاں پہلے سے موجود عسکریت پسند نے سکیوریٹی فورسز پر فائرنگ شروع کردی۔

سکیوریٹی فورسیز اور عسکریت پسندوں کے درمیا ن ہوئے اس تصادم میں ایک عسکریت پسند ہلاک ہوگیا ہے جس کی شناخت مجیب امین لون ولد محمد امین لون ساکن ریڈونی کولگام کے طور پر کی گئی ہے۔ مجیب امین لون گزشتہ ماہ 9 تاریخ سے گھر سے لاپتہ تھا اور عسکریت پسندی کا راستہ اختیار کر لیا تھا۔ پولیس نے اس کے پاس سے ایک پستول برآمد کیا ہے۔

مذکورہ علاقہ میں عسکریت پسندوں کی موجودگی کی اطلاع موصول ہونے کے بعد فوج کی 34 آر ٓار، سی آر پی ایف کی 14 بٹالین اور جموں و کشمیر پولیس نے مشترکہ طورپر رکہامہ کاپرن علاقہ کا محاصرہ کرلیا۔ اس دوران عسکریت پسندوں نے سکیوریٹی فورسیز پر فائرنگ شروع کردی۔

جوابی کاروائی میں ایک عسکریت پسند ہلاک ہوا ہے۔