Shivpal Yadav On Constitution: 'ابھی تک ملک آئین کے مطابق نہیں چلا'

شیوپال سنگھ یادو Shivpal Singh Yadav نے کہا کہ آئین کو اسی لئے بنایا گیا تھا کہ تمام افراد اور طبقات کی ترقی ہو، لیکن ابھی تک ملک آئین Constitution کے مطابق نہیں چلا جس کے سبب ملک میں غریبی، بیروزگاری اور بدعنوانی میں اضافہ ہورہا ہے۔

پرگتی شیل سماجوادی پارٹی (لوہیا) کے صدر اور سابق ریاستی وزیر شیوپال سنگھ یادو Shivpal Singh Yadav کا کہنا ہے کہ آئین کے مطابق ابھی تک ملک کا کوئی نظام نہیں چلا ہے اس لئے ابھی تک ملک میں ترقی نہیں ہوئی ہے۔ انہوں نے کہا کہ لوگ آئین کی حلف تو لے لیتے ہیں لیکن اس پر عمل نہیں کرتے۔ بی جے پی پر نکتہ چینی کرتے انہوں نے کہا کہ بی جے پی نے تو بھگوان اور گنگا تک کی حلف لی لیکن عمل نہیں کیا، ساتھ ہی انہوں نے سماجوادی پارٹی سے اتحاد کے لئے ایک ہفتے کا مزید وقت دیا۔

دراصل شیوپال سنگھ یادو ریاست اتر پردیش کے بارہ بنکی میں جمعہ کو ایک شادی کی تقریب میں شرکت کرنے پہنچے تھے۔ یہاں پر جب نامہ نگاروں نے یوم آئین Constitution Dayکے موقع پر ان کی رائے جاننی چاہی تو انہوں نے کہا کہ آئین کو اسی لئے بنایا گیا تھا کہ تمام افراد اور طبقات کی ترقی ہو، لیکن ابھی تک ملک آئین کے مطابق نہیں چلا، جس کے سبب ملک میں غریبی، بیروزگاری اور بدعنوانی میں اضافہ ہورہا ہے۔