Maharashtra Political Crisis: بھرت گوگاوالے نے ٹھاکرے گروپ کے 14 ارکان اسمبلی پر وہپ کی خلاف ورزی کا لگایا الزام

بھرت گوگاوالے نے اسمبلی اسپیکر راہل نارویکر کو ایک شکایتی خط لکھا ہے جس میں ٹھاکرے گروپ سے تعلق رکھنے والے 14 ایم ایل ایز کے خلاف وہپ کو توڑنے کے الزام میں کارروائی کا مطالبہ کیا گیا ہے۔Maharashtra Political Crisis

ممبئی: مہاراشٹر کے وزیر اعلی ایکناتھ شندے نے پیر کو اسمبلی میں اعتماد کا ووٹ حاصل کیا۔ تاہم شندے گروپ اور شیوسینا کے درمیان کشمکش جاری ہے۔ شندے گروپ کے ترجمان بھرت گوگاوالے نے اسمبلی کے اسپیکر سے شکایت درج کرائی ہے جس میں ٹھاکرے گروپ سے تعلق رکھنے والے 14 ایم ایل ایز کے خلاف وہپ کو توڑنے کے الزام میں کارروائی کا مطالبہ کیا گیا ہے۔ انہوں نے اس سلسلے میں اسمبلی اسپیکر راہل نارویکر کو ایک خط لکھا ہے۔ تاہم خط میں آدتیہ ٹھاکرے کا نام خارج کر دیا گیا ہے۔Shinde Group Sent Disqualification notice to All MLAs fo Uddhav Thackeray Group for not the following Whip

شیوسینا کے گروپ لیڈر پرتود سنیل پربھو نے اسمبلی اسپیکر کے عہدہ کے انتخاب کے اعلان کے بعد تمام ایم ایل ایز کو وہپ جاری کیا تھا۔ سبھی کو حکم دیا گیا کہ وہ مہاویکاس اگھاڑی کے امیدوار راجن سالوی کو ووٹ دیں۔ اس کے بعد شندے گروپ کے ایم ایل ایز کو راہل نارویکر کو ووٹ دینے کے لیے وہپ جاری کیا گیا۔ تاہم ٹھاکرے گروپ کے 15 ایم ایل ایز نے ان کے خلاف ووٹ دیا۔ اس لیے بھرت گوگاوالے نے وہپ کو توڑنے والے ایم ایل ایز کے خلاف اسمبلی کے اسپیکر سے شکایت درج کرائی ہے۔ اے این آئی سے بات کرتے ہوئے بھرت گوگاوالے نے کہا کہ انہوں نے آدتیہ ٹھاکرے کا نام بالاصاحب ٹھاکرے کے احترام اور خیال کی وجہ سے ہٹا دیا ہے۔

واضح رہے کہ مہاراشٹر قانون ساز اسمبلی کے خصوصی اجلاس کے دوسرے دن گورنر کے حکم کے مطابق شندے کو فلور ٹیسٹ سے گزرنا پڑا تھا۔ اس دوران انہوں نے فلور ٹیسٹ میں کامیابی حاصل کی۔ ان کے حق میں کل 164 ووٹ ڈالے گئے جبکہ حکومت کی مخالفت میں 99 ووٹ ڈالے گئے۔ وزیر اعلیٰ نے اسمبلی میں فلور ٹیسٹ سے قبل اتوار کی شب کو ممبئی کے ایک ہوٹل میں اپنے اراکین اسمبلی کے ساتھ میٹنگ کی۔ اس میں نائب وزیراعلیٰ دیویندر فڈنویس سمیت تمام ایم ایل ایز نے بھی حصہ لیا۔