نئی دہلی: کانگریس کے سینئر لیڈر ششی تھرور نے جمعہ کو کانگریس صدر کے عہدے کے لئے اپنا پرچہ نامزدگی داخل کیا۔ تھرور شروع ہی سے پارٹی صدر کے عہدے کے لیے میدان میں ہیں۔ کاغذات نامزدگی لینے سے پہلے انہوں نے کانگریس صدر سونیا گاندھی سے بھی ملاقات کی تھی اور ان سے صدر کے عہدے کے لیے انتخاب لڑنے کی اجازت مانگی تھی۔ Congress President Election
دریں اثنا، راجیہ سبھا میں قائد حزب اختلاف اور کانگریس کے سینئر رکن ملکارجن کھرگے نے کہا کہ وہ پارٹی صدر کے عہدے کے لیے مقابلہ کریں گے۔ کانگریس کے کئی لیڈروں نے کھرگے کی حمایت میں بیانات دیے ہیں۔ بھارت جوڑو یاترا کے صدر دگ وجے سنگھ نے یاترا بیچ میں چھوڑ کر جمعرات کو دہلی پہنچتے ہی کہا کہ وہ صدر کے عہدے کے لیے نامزدگی کے لیے آئے ہیں، لیکن ایک دن بعدسنگھ نے کہا کہ وہ کھرگے کی حمایت کے لیے نامزدگی نہیں کریں گے۔ یوتھ لیڈر دیپیندر سنگھ ہڈا نے بھی کھرگے کی امیدواری کی حمایت کی۔راجستھان کے وزیر اعلی اشوک گہلوت راجستھان میں سیاسی پیش رفت کے بعد دوڑ سے باہر ہو گئے ہیں۔