Sexual Harassment to Journalist Student چنئی میں صحافی طالبہ کے ساتھ جنسی ہراسانی، آٹو ڈرائیور گرفتار

چنئی میں صحافی طالبہ کے ساتھ جنسی ہراسانی کا ایک معاملہ سامنے آیا ہے۔ پولیس نے اس معاملے میں کارروائی کرتے ہوئے آٹو ڈرائیور کو گرفتار کر لیا ہے۔Sexual Harassment to Journalist Student

چنئی: تمل ناڈو کے چنئی میں صحافی طالبہ کے ساتھ جنسی ہراسانی کا ایک معاملہ سامنے آیا ہے۔ ایشین کالج آف جرنلسٹ کی طالبہ سے چھیڑ چھاڑ کرنے پر اوبر آٹو ڈرائیور کو گرفتار کر لیا گیا ہے۔ دراصل 25 تاریخ کو متاثرہ اپنی سہیلی کے ساتھ ای سی آر سے رات کے وقت شولنگنالور میں واقع ہوٹل آ رہی تھی۔ متاثرہ لڑکی کا کہنا ہے کہ 'ڈراپنگ پوائنٹ' پر آٹو ڈرائیور نے اس کے ساتھ بدتمیزی کرتے ہوئے چھیڑ چھاڑ کرنے لگا۔Sexual Harassment to Journalist Student

صحافی طالبہ نے ایک ٹویٹ کرتے ہوئے آٹو ڈرائیور کی تصویر کے ساتھ گریٹر چنئی پولیس کو ٹیگ کیا۔ طالبہ کی یہ پوسٹ سوشل میڈیا پر وائرل ہوگئی۔ اس کا جواب دیتے ہوئے چنئی پولیس نے کہا کہ ضروری کارروائی کی جائے گی۔

وہیں اس معاملے پر اوبر نے متاثرہ سے سوشل نیٹ ورکنگ سائٹس کے ذریعے واقعہ سے متعلق معلومات بھی مانگی ہیں۔ واضح رہے کہ کیمنچیری پولیس نے چنئی کے پالواکم علاقے سے آٹو ڈرائیور سیلوم (40) کو گرفتار کر لیا ہے۔ فی الحال تفتیش معاملے کی تحقیقات جاری ہے۔