Separate Family Data علیٰحدہ ڈیٹا بیس کشمیریوں کو پریشان کرنے کی کوشش، ڈاکٹر ہربخش سنگھ

پی ڈی پی کے ترجمان ڈاکٹر ہربخش سنگھ نے کہا کہ مرکزی حکومت کی جانب سے کشمیری عوام کے لیے علیٰحدہ ڈیٹابیس اور فیملی کارڈ بنانے کو کہا گیا ہے جو حکومت کی نیت پر سوالیہ نشان کھڑا کر رہا ہے۔ Separate database for Kashmiris

ترال: جموں و کشمیر کے ضلع پلوامہ کے سب ڈسٹرکٹ ترال میں ایک سرکاری تقریب منعقد ہوئی جس میں پی ڈی پی کے ترجمان ڈاکٹر ہربخش سنگھ نے شرکت اور عوام کو مخاطب کیا۔ اس موقعے پر انہوں نے میڈیا سے بات کرتے ہوئے کہا کہ مرکزی حکومت کی جانب سے کشمیری عوام کے لیے علیٰحدہ ڈیٹابیس اور فیملی کارڈ بنانے کو کہا گیا ہے جو حکومت کی نیت پر سوالیہ نشان کھڑا کررہا ہے، اس سے عوامی بے چینی پیدا ہوگئی ہے۔ وہیں ریاستی کانگریس نے بھی کشمیری عوام کے لیے علیٰحدہ ڈیٹابیس اور فیملی کارڈ بنانے کو سازش قرار دیا۔ Separate database is an attempt to disturb Kashmiris says Dr. Harbaksh Singh

انہوں نے کہا کہ ایک ایسے وقت میں جب پورے ملک میں آدھار سسٹم رائج ہے۔ کشمیری عوام کے لیے ایک نیا فیملی ڈیٹا بیس تیار کرنے کا کیا مطلب ہے؟ اس سے ظاہر ہوتا ہے کہ مرکزی حکومت یہاں کے عوام کو ہراساں کرنا چاہتی ہے اور اس سخت سردی میں اب عوام کو فیملی کارڈ بنانے کے لیے طویل قطار میں لگنا پڑے گا۔ انہوں نے مزید کہا کہ حکومت کو اس ضمن میں اپنی پوزیشن واضح کرنی چاہیے کہ آخر ایسے فیصلے کیوں کیے جا رہے ہیں۔ اس سے عوامی سطح پر خدشات پیدا ہورہے ہیں، جن کا ازالہ وقت کی ضرورت ہے۔