Masood Chaudhry Resigned From Congress ایڈوکیٹ مسعود چودھری نے کانگریس کی بنیادی رکنیت سے استعفی دیا

ایڈوکیٹ مسعود چوہدھری نے الزام عائد کرتے ہوئے کہا کہ کانگریس پارٹی میں تمام سینئر اور تجربے کار رہنماﺅں کو الگ تھلگ کر دیا گیا ہے، نااہل اور خوشامد کرنے والوں کے ایک گروہ نے پارٹی کا کام کاج چلانا شروع کردیا ہے۔ لیکن اب آزاد صاحب کی مدد سے ہم جموں کشمیر کے مسائل حل کریں گے۔ Masood Chaudhry Resigned From Congress

جموں: جموں وکشمیر کے کئی کانگریس رہنماوں نے غلام نبی آزاد کی حمایت میں پارٹی کی بنیادی رکنیت سے استعفیٰ دے دیا ہے، جن میں پردیش کانگریس کمیٹی کے سابق رکن ایڈوکیٹ مسعود چوہدھری بھی شامل ہیں۔ ایڈوکیٹ مسعود چوہدھری نے ای ٹی وی بھارت سے بات کرتے ہوئے کانگریس کے رہنما راہل گاندھی پر الزام عائد کرتے ہوئے کہا کہ وہ دور بیٹھ کر پارٹی کو کنٹرول کرتے ہیں جس کے پارٹی کی ساخت کو نقصان پہنچا ہے۔ انہوں نے الزام عائد کرتے ہوئے کہا کہ راہل گاندھی کوئی بھی فیصلہ بذات خود کرتے ہیں یا اپنے سکیورٹی گارڈز یا پی اے سے کرتے ہیں، جس کی وجہ سے غلام نبی آزاد جیسے سینئر رہنماون کی عزت کو ٹھیس پہنچی ہے اور اسی لئے ہم نے مجبورا استعفی دے دیا اور اب آزاد کے ساتھ ہیں۔

انہوں نے کہا کہ تمام سینئر اور تجربے کار رہنماﺅں کو الگ تھلگ کر دیا گیا ہے اور نااہل اور خوشامد کرنے والوں کے ایک گروہ نے پارٹی کا کام کاج چلانا شروع کردیا ہے۔ لیکن اب آزاد صاحب کی مدد سے ہم جموں کشمیر کے مسائل حل کریں گے۔