Workshop for Women: خواتین کے لیے سیلف ڈیفنس اور پرسنالٹی ڈیولپمنٹ ورکشاپ کا اہتمام

بھوپال کی تنظیم بی بی ایم گروپ برادر ہوڈ فور مسلمس کے ذریعہ خواتین کے لیے دس روزہ سیلف ڈیفنس اور پرسنالٹی ڈیولپمنٹ ورکشاپ Ten day workshop کا اہتمام کیا گیا۔

ریاست مدھیہ پردیش کے دارالحکومت بھوپال کی تنظیم بردر ہوڈ فور مسلمس BBM Group سماجی کاموں میں بھوپال کی سبھی تنظیموں سے آگے ہے۔ اس تنظیم کے ذریعہ جہاں کورونا وبا میں ہوئے لاک ڈاؤن میں لوگوں کی لگاتار مدد کی تھی، تو وہیں اس وقت لوگوں کو راشن، ان کا علاج اور دیگر مدد پہنچانے کا کام بھی جاری ہے۔

یہ تنظیم ویکسینیشن مہم Vaccination Campaign میں بھی حکومت کے شانہ بشانہ چل رہی ہے۔ اسی درمیان تنظیم بی بی ایم گروپ خواتین کی مدد کے لیے کئی پروگرام چلا چکی ہے، جس کے تحت اب اس کے ذریعہ لڑکیوں کے لئے 10 روزہ پرسنالٹی ڈویلپمنٹ اور سیلف ڈیفنس ورکشاپ چلائی جارہی ہے، جس میں لڑکیاں بڑھ چڑھ کر حصہ لے کر ورکشاپ کا فائدہ اٹھا رہی ہیں۔

بی بی ایم گروپ کی ورکشاپ میں شرکت کر رہی لڑکیاں تنظیم کی اس پہل سے بہت خوش ہیں کیونکہ اس طرح کے کورس کرنے کے لیے اگر دوسری جگہ داخلہ لیا جائے تو زیادہ پیسے خرچ ہوتے ہیں جبکہ یہ تنظیم ان لڑکیوں کو مفت ٹریننگ دے رہی ہے۔

واضح رہے کہ تنظیم بی بی ایم گروپ بردر ہوڈ فور مسلمس Brotherhood for Muslims ضرورت مند خواتین کے لیے ہر طرح کے پروگرام اور ورکشاپ چلاتی ہے تاکہ خواتین اپنے پیروں پر کھڑی ہو کر اپنے اور اپنے اہل خانہ کی مدد کر سکیں۔

بھوپال کی تنظیم بی بی ایم گروپ برادر ہوڈ فور مسلمس کا مقصد ہے کہ اس طرح کے پروگرام میں خواتین شرکت کر نہ صرف اپنے پیروں پر کھڑے ہوں بلکہ اپنے اہل خانہ کی بھی مدد کریں۔