مکیش امبانی کے گھر کی سیکورٹی بڑھائی گئی

ممبئی پولیس نے ملک کے سب سے امیر صنعت کار مکیش امبانی کے جنوبی ممبئی کے گھر اینٹیلیا میں حفاظتی انتظامات بڑھا دیے ہیں ۔ پولیس نے یہ قدم مسٹر امبانی کے گھر کے باہر دو مشکوک افراد کو دیکھے جانے کے بعد اٹھایا۔

ذرائع کے مطابق ایک ٹیکسی ڈرائیور نے پولیس کو بتایا کہ دو لوگ اس سے انٹیلیا کے بارے میں پوچھ رہے تھے اور وہ ہندی زبان میں بات کر رہے تھے۔ ان میں سے ایک کے ہاتھ میں بیگ تھا۔

آزاد میدان تھانہ پولیس نے ٹیکسی ڈرائیور کا بیان درج کر لیا ہے اور ایک اعلیٰ پولیس افسر صورتحال پر نظر رکھے ہوئے ہے۔پولیس نے علاقہ میں سیکورٹی بڑھا دی ہے۔

یواین آئی