مہنگائی کے خلاف ایس ڈی پی آئی کا احتجاج

مہنگائی میں ہو رہے مسلسل اضافے کو لے کر آج اس سوشل ڈیموکریٹک پارٹی آف انڈیا (ایس ڈی پی آئی) کی جانب سے بھارتی ریاست راجستھان کے دارالحکومت جے پور میں احتجاجی مظاہرہ کیا گیا۔

جے پور۔ سوشل ڈیموکریٹک پارٹی آف انڈیا کی جانب سے یہ احتجاجی مظاہرہ ایس ڈی پی آئی جے پور کے ضلع سیکریٹری مکرم علی کی قیادت میں سبھاش چوک علاقہ میں کیا گیا اور یہاں مرکزی حکومت کے خلاف جم کر نعرے بازی کی گئی۔ ان تمام لوگوں نے اپنے ہاتھوں میں ایس ڈی پی آئی کا پرچم لے کر یہ مطالبہ کیا کہ جس طرح سے مہنگائی میں اضافہ ہورہا ہے اس اضافے کو کم کیا جائے۔

مکرم علی نے میڈیا سے بات چیت کے دوران کہا کہ آج پیٹرول و ڈیزل کی قیمتیں آسمان چھو رہی ہیں، رسوئی گیس سلنڈر کے دام ایک ہزار روپے سے زیادہ ہو چکے ہیں اور مرکزی حکومت کی جانب سے کسی طرح کا کوئی راحت عوام کو نہی دیا جا رہا ہے۔ اس لیے عوام کو کافی پریشانی کا سامنا کرنا پڑ رہا ہے۔ وہیں اس احتجاجی مظاہرے میں سوشل ڈیموکریٹک پارٹی آف انڈیا کے عہدیداران و کارکنان سمیت عام عوام موجود رہے۔

مہنگائی کے خلاف ایس ڈی پی آئی کا احتجاج

مظاہرے کی جگہ میں تبدیلی
سوشل ڈیموکریٹک پارٹی آف انڈیا کی جانب سے جو احتجاجی مظاہرہ کیا گیا ہے وہ احتجاجی مظاہرہ جے پور کے ایک پیٹرول پمپ کے باہر کیا جانا تھا لیکن جس پیٹرول پمپ کے باہر احتجاجی مظاہرہ کیا جانا تھا، وہاں پر پولیس کے جوان تعینات کر دیئے گئے۔ اس لئے ان تمام لوگوں کی جانب سے یہ احتجاجی مظاہرہ جے پور سبھاش چوک علاقے میں کیا گیا۔