Delhi Pollution: دہلی میں اسکول پیر سے ایک ہفتے کے لیے بند

دہلی کے تمام اسکول پیر سے اگلے ایک ہفتے تک بند رہیں گے۔ یہ فیصلہ بڑھتی ہوئی آلودگی کی سطح کے پیش نظر کیا گیا۔

دہلی کے وزیر اعلی اروند کیجریوال نے اعلان کیا ہے کہ قومیدارالحکومت کے تمام اسکول پیر سے اگلے ایک ہفتے تک بند رہیں گے۔

یہ فیصلہ دہلی میں بڑھتی ہوئی آلودگی کی سطح کو دیکھتے ہوئے کیا گیا۔

آلودگی کے مسئلے پر دہلی کے وزیر اعلیٰ اروند کیجریوال کی صدارت میں ایک اعلیٰ سطح کی میٹنگ ہوئی جس میں طے کیا گیا کہ دہلی کے سرکاری اسکولوں ایک ہفتے کے لیے بند رہیں گے۔

دہلی کے سرکاری دفاتر کے ملازمین ایک ہفتے تک گھر سے کام کریں گے۔ تعمیراتی کام 14 سے 17 نومبر تک بند رہے گا۔

اس کے علاوہ دہلی کی ریاستی حکومت نے کہا ہے کہ لاک ڈاؤن کو کیسے نافذ کیا جائے اس بارے میں عدالت کے سامنے تجویز رکھیں گے۔