اترپردیش میں 2022 کے اسمبلی انتخابات کے لیے تمام پارٹیاں انتخابی میدان میں اترچکی ہیں اور عوام کو خوش کرنے کا کام شروع ہوچکا ہے۔ اگر ہم کانگریس پارٹی کی بات کریں تو کانگریس کے کارکن اب بڑی ریلی کے لیے لوگوں کو جمع کرنے کی کوشش کررہے ہیں۔
ایسا مانا جارہا ہے کہ 29 ستمبر کو میرٹھ میں ہونے والی ریلی مغربی یوپی کی تاریخی ریلی ہوگی، جس کے لیے منڈل انچارج سنجیو شرما نے آج سہارنپور میں کانگریس کے دفتر میں عہدیداروں کے ساتھ میٹنگ کا اہتمام کیا، جس میں کانگریس پارٹی 29 تاریخ کو مغربی اترپردیش کے میرٹھ سے انتخابی مہم شروع کرنے جارہی ہے۔
کانگریس اس ریلی میں کارکنان سے اپیل کی ہے کہ وہ زیادہ سے زیادہ ریلی میں جمع ہوں۔ اس ریلی میں ضلع سہارنپور کے لاکھوں کانگریس کارکن پہنچیں گے۔ ریلی کو بڑے پیمانے پر منعقد کیا جائے گا تاکہ آنے والے اسمبلی انتخابات میں کانگریس مضبوط ہو۔