Saidabad Incident: چھ سالہ بچی کی عصمت دری کے ملزم کی لاش ریلوے ٹریک سے برآمد

سعید آباد میں چھ سالہ بچی کے ساتھ جنسی زیادتی اور قتل معاملے کے ملزم کی لاش اسٹیشن گھن پور کے قریب ریلوے ٹریک پر ملی۔ ملزم کی شناخت اس کے ہاتھ پر بنے ٹیٹو کی بنیاد پر کی گئی۔ مفرور ملزم کو پکڑنے کے لیے پولیس نے 10 لاکھ کا انعام بھی رکھا تھا۔

حیدر آباد کے سعید آباد میں 9 ستمبر کو ایک 6 سالہ لڑکی کے ساتھ جنسی زیادتی کے بعد قتل کر کے لاش سنگرینی کالونی کے قریب پھینک کر ملزم فرار ہو گیا تھا۔

پولیس اس مسئلے پر سنجیدگی سے کام کر رہی تھی۔ مفرور ملزم کو تلاش کرنے کیلئے پولیس نے 10 لاکھ کا انعام بھی رکھا تھا اور بڑے پیمانے پر تشہیر کی گئی تھی۔

آج صبح ملزم کی لاش گھن پور ریلوے اسٹیشن کے قریب سے برآمد ہوئی۔

اس کے ہاتھ پر بنے ٹیٹو سے اس کی تصدیق کی گئی۔