بی جے پی کی رکن پارلیمان سادھوی پرگیہ سنگھ ٹھاکر نے بھوپال میں ایک اجلاس سے خطاب کرتے ہوئے کہا کہ ان لوگوں کو حجاب پہننے کی ضرورت ہے جو اپنے گھروں میں محفوظ نہیں ہیں، جن کو اپنے گھروں میں خطرہ محسوس ہوتا ان کو حجاب پہننے کی ضرورت ہے۔Sadhvi Pragya on Hijab Row
انہوں نے کہا کہ ہندو سماج ایک بہت ہی عظیم اور ایک مہذب ںظریہ کا حامل ہے، ہمیں کہیں بھی حجاب پہنے کی ضروت نہیں ہے، ہندو سماج کے لوگوں کو باہر کہیں بھی حجاب پہننے کی بالکل ضرورت نہیں ہے، خاص طور پر تعلیم گاہوں میں حجاب پہننے کی تو بالکل ضرورت نہیں ہے۔
واضح رہے کہ کرناٹک میں گزشتہ تقریباً ڈیڑھ ماہ سے کئی کالجوں میں حجاب پر طلبہ اور انتظامیہ کے درمیان اختلاف ہے لیکن چند روز قبل نئی بات سامنے آئی جس میں اُڈوپی کے ایک کالج میں باحجاب طالبات کو کالج کیمپس میں داخل ہونے سے روک دیا گیا۔ Hijab Ban in Karnataka اس کے خلاف طالبات نے احتجاج کیا اور حجاب کے ساتھ کالج و کلاس روم میں داخلے کی درخواست کی لیکن انتظامیہ نے ریاستی حکومت کے حکم نامے کا حوالہ دیتے ہوئے ان کی درخواست مسترد کر دی۔
مزید پڑھیں:۔Hijab Ban Issue: حجاب کے نام پر لڑکیوں کو پریشان کرنا انتہائی شرمناک
ریاست کے کچھ کالجوں میں مسلم طالبات کو حجاب پہننے سے روکے جانے کے بعد ہائی کورٹ میں دو درخواستیں دائر کی گئی ہیں۔ ان میں کہا گیا ہے کہ انہیں حجاب پہننے سے نہیں روکا جا سکتا کیونکہ یہ ان کا بنیادی حق ہے جو انہیں آئین میں فراہم ہے۔ وہیں مسلم طالبات حجاب کے ساتھ کالج میں داخل ہونے کا مطالبہ کر رہی ہیں تو دوسری جانب دیگر طلبا بھگوا شال اور بھگوا مفلر کے ساتھ باحجاب طالبات کی مخالفت کرتے ہوئے حجاب کے خلاف پیغام دینے کی کوشش کر رہے ہیں۔
