Arrangements For Amit Shah's Rally امت شاہ کے دورے سے قبل رویندر رینا نے صورتحال کا جائزہ لیا

بارہمولہ میں وزیر داخلہ امت شاہ کے دورہ کے پیش نظر جموں کشمیر بی جے پی کے یو ٹی صدر رویندر رینا نے آج صورتحال کا جائزہ لیا۔Arrangements For Amit Shah's Rally

بارہمولہ: شمالی کشمیر کے ضلع بارہمولہ میں وزیر داخلہ امت شاہ کے دورہ کے پیش نظر جموں کشمیر بی جے پی کے یو ٹی صدر رویندر رینا نے صورتحال کا جائزہ لیا۔ پانچ اکتوبر 2022 کو وزیر داخلہ امت شاہ بارہمولہ میں ایک میگا ریلی کرنے والے ہے۔ اسی سلسلے میں رویندر رینا اور بارہمولہ سے وابسطہ بی جے پی کے سینئر لیڈران نے صورتحال کا جائزہ لیا۔Arrangements For Amit Shah's Rally

اس موقع پر رویندر رینا نے کہا کہ آنے والے چند دنوں میں بارہمولہ میں ایک جشن ہونے والا ہے اور لوگ ہمارے ساتھ کافی تعداد میں جڑنے والے ہیں۔ انہوں نے کہا کہ لوگوں میں کافی خوشی ہے اور وہ اس میگا ریلی میں بڑھ چڑھ کر حصہ لیں گے۔ انہوں نے مزید کہا کہ بارہمولہ، کپواڑہ اور بانڈی پورہ سے لوگ اس ریلی میں شرکت کریں گے۔

اس سے پہلے جموں وکشمیر بی جے پی یونٹ کے صدر رویندر رینا نے بتایا تھا کہ وزارت داخلہ کے دفتر سے فون کال موصول ہوئی جس میں بتایا گیا کہ اب وزیر داخلہ چار اکتوبر کو جموں وکشمیر آ رہے ہیں انہوں نے بتایا کہ راجوری میں یکم اکتوبر کو جو ریلی ہونے جارہی تھی وہ اب چار اکتوبر کو ہوگی جس کے بعد وزیر داخلہ اگلے دن یعنی پانچ اکتوبر کو کشمیر کا دورہ کریں گے۔ بتادیں کہ امت شاہ یکم اور دو اکتوبر کو جموں وکشمیر کے دورے پر آنے والے تھے۔