Mohan Bhagwat Meets Muslim Intellectuals موہن بھاگوت نے متعدد مسلم دانشوروں سے ملاقات کی

میٹنگ میں سابق چیف الیکشن کمشنر (سی ای سی) ایس وائی قریشی، دہلی کے سابق لیفٹیننٹ گورنر (ایل جی) نجیب جنگ، علی گڑھ مسلم یونیورسٹی (اے ایم یو) کے سابق چانسلر لیفٹیننٹ جنرل ضمیر الدین شاہ، سابق ایم پی شاہد صدیقی اور تاجر سعید جیسے کئی دانشوروں نے شرکت کی۔ Mohan Bhagwat Meets Muslim Intellectuals

دہلی: راشٹریہ سویم سیوک سنگھ (آر ایس ایس) کے سربراہ موہن بھاگوت نے کئی مسلم دانشوروں سے ملاقات کی اور حالیہ تنازعات اور ملک میں مذہبی شمولیت کو مضبوط کرنے کے طریقوں پر تبادلہ خیال کیا۔ آر ایس ایس کے قریبی ذرائع کے مطابق یہ میٹنگ سنگھ کے نظریات کی تشہیر اور مذہبی شمولیت کے موضوع کو فروغ دینے کے لیے کی گئی تھی۔ میٹنگ میں گیانواپی تنازعہ، حجاب تنازعہ اور آبادی کنٹرول جیسے حالیہ واقعات پر تبادلہ خیال کیا گیا۔RSS chief mohan bhagwat meets muslim intellectuals in delhi

میٹنگ میں سابق چیف الیکشن کمشنر (سی ای سی) ایس وائی قریشی، دہلی کے سابق لیفٹیننٹ گورنر (ایل جی) نجیب جنگ، علی گڑھ مسلم یونیورسٹی (اے ایم یو) کے سابق چانسلر لیفٹیننٹ جنرل ضمیر الدین شاہ، سابق ایم پی شاہد صدیقی اور تاجر سعید جیسے کئی دانشوروں نے شرکت کی۔

سابق ایم پی شاہد صدیقی نے اے این آئی سے بات کرتے ہوئے کہا کہ ملک میں لوگوں کے درمیان امن اور بھائی چارے کو مضبوط بنانے کے لیے بات چیت کی گئی۔ انہوں نے کہاکہ "ہمیں تشویش ہے کہ ملک میں جو کچھ بھی ہو رہا ہے وہ ملک میں مذہبی اتحاد کو کمزور کر رہا ہے۔ اس لیے ہم سب نے ملک میں امن اور بھائی چارے کو برقرار رکھنے اور مضبوط کرنے کے طریقوں پر بات چیت کی۔" انہوں نے مزید کہا کہ موہن بھاگوت کا تعلق ایک ایسے ادارے سے ہے جسے بہت سے لوگ فالو کرتے ہیں، اسی لیے ہم سب نے میٹنگ کی اور اس بات پر تبادلہ خیال کیا کہ ملک میں مذہبی شمولیت کو کس طرح مضبوط کیا جائے۔