سڑک حادثے میں فوڈ ڈیلیوری بوائے کی موت نئی دہلی/نوئیڈا: دہلی کے کنجھاولا میں لڑکی کو کار سے کئی کلومیٹر تک گھسیٹ کر اس کی موت کا معاملہ ابھی ختم نہیں ہوا تھا کہ نوئیڈا میں بھی ایسا ہی معاملہ سامنے آیا ہے جو یکم جنوری کا ہے۔ یہ واقعہ نوئیڈا کے تھانہ فیز 1 علاقے کے چلہ بارڈر 14A کے قریب پیش آیا، جہاں ایک ڈیلیوری بوائے کو ٹیکسی کے ڈرائیور نے 500 میٹر تک گھسیٹ لیا۔ اس کے بعد ملزمین، ڈیلیوری بوائے کو موقع پر چھوڑ کر فرار ہوگئے۔ واقعہ کے منظر عام پر آنے کے بعد مقتول کے کزن نے تھانے میں نامعلوم گاڑی کے خلاف شکایت درج کرائی ہے۔ Road Accident in Noida like Kanjhawala
سڑک حادثے میں فوڈ ڈیلیوری بوائے کی موت مقدمہ درج کرنے کے بعد پولیس 3 ٹیمیں بنا کر معاملے کی تحقیقات میں مصروف ہے۔ ساتھ ہی چلہ سرحد سے آس پاس کے علاقوں کے سی سی ٹی وی کیمروں کو اسکین کرنے کا کام بھی کیا جارہا ہے۔ یہ واقعہ رات تقریباً ایک بجے کا بتایا جا رہا ہے۔ واقعہ کے تین دن بعد میڈیا نے واقعہ کے حوالے سے معلومات مانگی تو اہلکار موقع کا معائنہ کرنے آئے اور حرکت میں آگئے۔ Food Delivery Boy Died in Road Accident
متوفی ڈیلیوری بوائے کے کزن نے بتایا کہ تھانہ فیز 1 نوئیڈا میں سویگی کے لیے فوڈ ڈیلیوری کا کام کرتا تھا۔ یکم جنوری کو رات ایک بجے ہم نے اپنے بھائی کے موبائل نمبر پر کال کی تو کسی نامعلوم شخص نے فون اٹھایا۔ اس نے بتایا کہ میں اولا ڈرائیور بول رہا ہوں۔ تمہارے بھائی کا ایکسیڈنٹ ہو گیا ہے۔ سیکٹر 14 فلائی اوور کے قریب نامعلوم گاڑی نے ٹکر ماری اور شنی مندر تک گھسیٹتے ہوئے سڑک پر لے گئی۔ اطلاع ملتے ہی میں اور میرے خاندان کے تمام افراد موقع پر شنی مندر پہنچے۔ میرے بھائی کی لاش شنی مندر کے پاس پڑی تھی۔ نامعلوم گاڑی کی زد میں آکر وہ ہلاک ہوگیا۔
ڈی سی پی نوئیڈا ہریش چندر نے بتایا کہ ایک درجن سے زیادہ سی سی ٹی وی کیمروں کی جانچ کی گئی ہے، جس میں واقعہ کے وقت ٹیکسی گاڑی گزرتی ہوئی نظر آتی ہے۔ اس کے علاوہ مقتول کے کزن کی طرف سے دی گئی تحریر کی بنیاد پر دفعہ 279 اور دفعہ 304 اے کے تحت مقدمہ درج کیا گیا ہے۔ سرویلنس ٹیم کے ساتھ دیگر وسائل کے ذریعے حادثے کا شکار گاڑی کی تلاش کی جا رہی ہے۔ جلد گاڑی کا سراغ لگا کر واقعہ کا انکشاف کیا جائے گا۔
