چھتیس گڑھ کے گریابند ضلع میں ایک سڑک حادثہ پیش آیا، جس کے نتیجے میں پانچ افراد ہلاک اور 17 زخمی ہو گئے،
وزیر اعلیٰ بھوپیش بگھیل نے مہلوکین کے اہل خانہ سے گہری تعزیت کا اظہار کیا ہے اور مرنے والوں کے لواحقین کے لیے فی کس 2 لاکھ روپے اور زخمیوں کے لیے 50 ہزار روپے کی امداد کا اعلان کیا ہے۔ Bhupesh Baghel has Expressed Deep Condolences
پولیس کے مطابق حادثہ گریابند سے تقریباً 8 کلومیٹر دور جوبہ کے قریب اس وقت پیش آیا، جب تمام مسافر موہلائی گاؤں میں ایک تقریب سے واپس آ رہے تھے۔
سب ڈویژنل مجسٹریٹ گریابند وشودیپ یادو نے کہا کہ "ٹرن لیتے ہوئے ٹریکٹر ٹرالی ایک ٹرک سے ٹکرا گئی۔ تصادم سے ٹریکٹر ٹرالی دو حصوں میں تقسیم ہوگئی۔"
یادو نے مزید کہا کہ "حادثے میں پانچ افراد کی موت ہو گئی اور 17 زخمی ہوئے، جن میں سے 14 کو مزید علاج کے لیے دوسرے ہسپتال بھیج دیا گیا ہے۔"
پولیس سپرنٹنڈنٹ (ایس پی) جے آر ٹھاکر، ایڈیشنل ایس پی، ایڈیشنل کلکٹر اور ایس ڈی ایم سمیت انتظامیہ کا پورا عملہ موقع پر پہنچ گیا اور زخمیوں کے لواحقین کو 2000 روپے کی فوری امداد کے انتظامات کیے گئے۔
