Hate Speech In Mumbai ممبئی میں امن وامان کی ذمہ داری محکمہ پولیس کی، پولیس کمشنر وویک پھنسالکر

سابق رکن پارلیمنٹ حسین دلوائی کی قیادت میں ایک وفد کو پولیس کمشنر وویک پھنسالکر نے یقید دہانی کراتے ہوئے کہا کہ ممبئی میں امن و امان برقرار رکھنے کی ذمہ داری محکمہ پولیس کی ہے اور شرپسند عناصرکو بخشا نہیں جائےگا۔

ممبئی:ریاست مہاراشٹر کے ممبئی میں پولیس کمشنر وویک پھنسالکر نے کہا ہے کہ امن و امان برقرار رکھنے کی ذمہ داری محکمہ پولیس کی ہے اور شرپسند عناصرکو بخشا نہیں جائیگا۔ دراصل سابق رکن پارلیمنٹ حسین دلوائی کی قیادت میں ایک وفد نے پولیس کمشنر وویک پھنسالکر سے ملاقات کی تھی۔

سابق رکن پارلیمنٹ حسین دلوائی نے متعدد افراد کے ہمراہ کمشنر سے ملاقات کی اور انہیں 29 جنوری کو شیواجی پارک میں ہوئے ہندو جن اکروش ریلی میں ہوئی اشتعال انگیزی کی جانب توجہ مبذول کروائی اورمطالبہ کیا کہ تلنگانہ ایم ایل اے ٹی راجہ کی اشتعال انگیزی کا سخت نوٹس لیکر قانونی کاروائی کی جائے۔ اس ضمن میں انہیں ایک خط بھی دیا گیا جس میں شرانگیزی کی تفصیلات درج تھی۔ ساتھ ہی ساتھ سپریم کورٹ کا حوالہ دیگر سخت کاروائی کا مطالبہ کیا گیا۔

حسین دلوائی نے شہر کی امن وامان صورتحال کی ستائش کی۔ وہیں انہوں نے شیواجی پارک میں ہوئے ہندو جن اکروش ریلی میں ایم ایل اے کے نفرت انگیز تقریر پر تشویش کا اظہار کیا۔ انہوں نے کہا کہ مذہب جہاد کے بے بنیاد الزام لگا کر ان ریاست کے پُر امن شہریوں کو بھڑکانے کی کوشش کی جارہی ہے۔ جس کے خلاف سخت کارروائی ہونا ضروری ہے۔ اس موقع پر سابق کارپقریٹر سفیان و نو،سلیم الوارے اور ععفان پٹیل بھی تھے۔

سابق رکن پارلیمنٹ حسین دلوائی نے اپنی بات رکھتے ہوئے کمشنر کو بتایا کہ ممبئی جیسے بین الاقوامی اہمیت کے حامل شہر میں اس طرح کی ریلی اور کشیدگی پھیلانے والی تقریروں خصوصاً شیواجی مہاراج کا نام لیکر کی گئی تقریروں سے شہر اور ریاست کا ماحول بھی خراب ہو سکتا ہے اور بین الاقوامی سطح پر ملک کی بدنامی بھی ہوتی ہے۔ جبکہ یہ بات سبھی جانتے ہیں شیواجی مہاراج تمام مذاہب خصوصاً مسلمانوں کو ساتھ لیکر ایک مثالی حکمران کی طرح اپنی حکومت چلاتے تھے اور تمام مذاہب کے لوگوں کی خوب عزت کرتے تھے۔ پولیس کمشنرنے شرپسندوں کے خلاف سخت کارروائی کا یقین دلایا ۔

یواین آئی