طالبان کے خلاف مزاحمت جاری رہے گی: امراللہ صالح

افغانستان کے پہلے نائب صدر امر اللہ صالح نے ایک ٹویٹ میں کہا کہ افغان حکومت ملک میں عسکریت پسند گروپ کے خلاف قومی مزاحمت کی مکمل حمایت کرے گی۔

افغانستان میں یومیہ بنیاد پر طالبان کی پیش قدمی زور و شور کے ساتھ جاری ہے اور ہرگزرتے دن کے ساتھ ملک کے مختلف صوبائی دارلحکومتوں پر طالبان قبضہ کرتے جارہے ہیں۔

افغانستان سے امریکی اور نیٹو افواج کا انخلا مکمل ہونے سے محض چند ہفتے قبل طالبان نے ملک کے متعدد صوبوں کے دارالحکومتوں کو اپنے قبضہ میں لے لیا ہے۔ جمعہ کو طالبان نے پورے جنوبی افغانستان پر قبضہ کرکے اب دارالحکومت کا بل کی جانب پیش قدمی کر رہا ہے۔

بتایاجارہا ہے کہ طالبان ملک کے دارالحکومت کابل سے صرف 90 کیلو میٹر کے فاصلہ پر ہے۔

اُدھرافغانستان کے پہلے نائب صدر امر اللہ صالح کا کہنا ہے کہ افغان حکومت نے طالبان کے خلاف جنگ جاری رکھنے کا فیصلہ کیا ہے۔ انہوں نے ایک ٹویٹ میں کہا کہ حکومت ملک میں عسکریت پسندوں کے خلاف قومی مزاحمت کی مکمل حمایت کرے گی۔

امراللہ صالح

ذرائع سے ملی اطلاع کے مطابق امر اللہ صالح کا یہ بیان افغان صدارتی محل میں منعقد سکیورٹی اجلاس کے فورا بعد آیا ہے۔

صالح نے کہا "صدارتی محل میں سکیورٹی اجلاس میں طالبان کے خلاف جنگ جاری رکھنے کا فیصلہ کیا گیا ہے۔"

امراللہ صالح نے ایک ٹویٹ میں کہا کہ قومی سلامتی کے پیش نظر افغان صدر اشرف غنی کی صدارت میں منعقد اجلاس میں یہ فیصلہ کیا گیا ہے کہ ہم طالبان کے خلاف کھڑے ہیں اور ہر طریقے سے ان کا مقابلہ کریں گے۔ ہمیں اپنے اے این ڈی ایس ایف پر فخر ہے۔

صالح نے مزید کہا کہ عسکریت پسندوں کے خلاف برسر سرپیکار رہنے والی قوتوں کو درکار تمام بنیادی چیزیں، دفاعی اور سکیوریٹی سہولیات بھی مہیا کرائی جائیں گی۔

افغانستان ہر گذرتے دن کے ساتھ ایک انجانے اور خوفناک بحران کی طرف بڑھ رہا ہے۔ کیونکہ ملک کے متعدد صوبوں میں تشدد میں اضافہ ہی ہورہا ہے۔

طالبان نے افغان فورسز کے خلاف اپنے حملوں کو تیز کردیا ہے جب کہ چند ہفتوں کے اندر ہی غیر ملکی افواج کی مکمل واپسی ہونی ہے۔

حال ہی میں صدر اشرف غنی نے عسکریت پسندوں سے نمٹنے کے لیے ایک نئے آرمی چیف بھی تقرری کی ہے۔