مغربی بنگال کے مرشدآباد ضلع میں گزشتہ اسمبلی انتخابات میں کانگریس اور لفٹ فرنٹ کا صفایا کرنے کے بعد حکمراں جماعت ترنمول کانگریس کی سربراہ اور وزیراعلیٰ ممتا بنرجی ضلع کی ترقی کی کوشاں ہیں۔
وزیراعلیٰ ممتا بنرجی نے مرشدآباد ضلع کی ترقی کے لیے درجنوں ترقیاتی منصوبوں کا اعلان کیا ہے، جن پر تیزی سے کام چل رہا ہے۔
مغربی بنگال کی وزیراعلیٰ ممتا بنرجی کے ترقیاتی منصوبوں کی مقبولیت سر چڑھ کر بولنے لگی ہے۔ عام لوگ میں بھی زبردست دلچسپی پائی جا رہی ہے۔
مغربی بنگال کے تمام اضلاع میں ترقیاتی منصوبوں کو عوام تک پہنچانے کے لئے دوارے دوارے کیمپ کا انعقاد کیا جاتا ہے۔
تمام اضلاع میں ترقیاتی منصوبوں کے تحت کیمپوں کے انعقاد کے دوران خواتین کی ریکارڈ بھیڑ دیکھی جا رہی ہے۔
ذرائع کے مطابق ترقیاتی منصوبوں کے تحت دوارے سرکار اسکیم کے لئے اب تک پانچ کروڑ لوگوں کا رجسٹریشن ہو چکا ہے۔
مغربی بنگال سکرٹریٹ بلڈنگ نبنو سے موصولہ اطلاع کے مطابق ریاست میں جاری 'دوارے سرکار کیمپ' کے دوران پہلے ہفتے میں ایک کروڑ 80 لاکھ لوگوں نے رجسٹریشن کرایا ہے۔
پانچ کروڑ خواتین کا رجسٹریشن انہوں نے کہا کے دوارے سرکار کیمپ کے دوسرے ہفتے میں رجسٹریشن کرانے والی خواتین کی تعداد پانچ کروڑ سے تجاوز کر چکی ہے۔
سکریٹریٹ بلڈنگ نبنو کے مطابق ایک مہینے کے اندر اندر سات کروڑ لوگوں تک 'دوارے سرکار' منصوبوں کو پہنچانے کا ہدف ہے۔
یہ بھی پڑھیں:
واضح رہے کہ دوارے سرکار اسکیم(گھر گھر سرکار ) کے تحت مغربی بنگال حکومت کے اعلی افسران ضلع مجسٹریٹ، ایڈیشنل ضلع مجسٹریٹ، ایس ڈی پی او، بی ڈی او اور ضلع پولیس سپرنٹنڈنٹ کی نگرانی میں کیمپ کا اہتمام کیا جاتا ہے، جہاں عام لوگوں کے مسائل دور کیے جاتے ہیں۔ اس کے علاوہ حکومت کے ترقیاتی منصوبوں سے عام لوگوں کو راست جوڑنے کی کوشش کی جاتی ہے۔
ممتا بنرجی کے تیسری مرتبہ اقتدار میں آنے کے بعد متعدد ترقیاتی منصوبوں خاص طور پر خواتین کے لئے اعلان کئے گئے ہیں، جن میں کنیا شری، روپا شری، شواستھا ساتھی ہیلتھ انسورنش کارڈ اور لکشمی بھنڈار قابل ذکر ہے۔
ترقیاتی منصوبوں میں سے ایک کنیا شری اسکیم کو جرمنی سمیت یورپ کے بیشتر ممالک نے خواتین کی فلاح و بہبود کے کاموں کیلئے سب سے بہترین منصوبہ قرار دیتے ہوئے مغربی بنگال کی وزیر اعلیٰ ممتا بنرجی کو خصوصی ایوارڈ سے نوازا ہے۔
