Opposition Meeting بنگلور میں اپوزیشن میٹنگ پر سیاسی رہنماؤں کے تاثرات، بی جے پی کو اقتدار سے بے دخل کرنے کی شروعات

بنگلورو میں اپوزیشن جماعتوں نے اپنے اتحاد کا نیا نام 'انڈیا' INDIA رکھا ہے۔ جس کا مطلب 'انڈین نیشنل ڈیولپمنٹ انکلوسیو الائنس' ہے۔ کانگریس صدر کھڑگے نے کہا کہ میٹنگ کا اگلا مرحلہ ممبئی میں منعقد ہوگا جس کی تاریخ کا اعلان جلد کردیا جائے گا۔

بنگلور: لوک سبھا انتخابات 2024 سے قبل 26 سیاسی جماعتوں کے اپوزیشن لیڈروں نے 18 جولائی کو بھارتیہ جنتا پارٹی کے خلاف متحدہ محاذ تشکیل دیتے ہوئے انڈیا یعنی کا اعلان کردیا ہے۔ 23 جون کو پٹنہ میں پارٹیوں کے درمیان ابتدائی بات چیت کے بعد بنگلورو کے تاج ویسٹ اینڈ میں اپوزیشن جماعتوں کی یہ دوسری میٹنگ تھی، اس میٹنگ میں حصہ لینے والی جماعتوں کی تعداد بھی پٹنہ میں 17 سے بڑھ کر بنگلورو میں 26 ہوگئی ہے۔

اس موقع پر ان سیاسی لیڈران نے میڈیا سے بات کرتے ہوئے اپنے تاثرات کا اظہار کیا، بی جے پی کے نئے بھارت میں جمہوریت نہیں ہے بلکہ مابوکریسی ہے. ملک کو ایک مضبوط متبادل کی ضرورت ہے جو عوام کے مسائل کو ساتھ لے کر چل سکے، 2024 میں ہمیں عوام کے لیے اچھی اور کام کرنے والی حکومت ملے گی، ملک اور عوام کو بچانے کے لیے یہ اپوزیشن میٹنگ ضروری ہے. آج ملک کی دو تہائی عوام بی جے پی کے خلاف ہے، ہم ملک کی جمہوریت، آئین اور بھائی چارے کو بچانے کے لیے اکٹھے ہوئے ہیں، ملک کے آئینی اداروں کا غلط استعمال کیا جا رہا ہے اور ملک کی جائیدادیں بیچی جا رہی ہیں، کسانوں، نوجوانوں، مہنگائی جیسے اصل مسائل پر بات کرنے کے بجائے صرف نفرت پھیلائی جا رہی ہے۔

آج ہمارے ملک کے آئین اور جمہوریت کے ساتھ کھیلا جا رہا ہے. ڈائیورسٹی جو اس ملک کی طاقت ہے تباہ ہو رہی ہے. اسی لیے ہم سب 'آئیڈیا آف انڈیا' کو بچانے کے لیے متحد ہوئے ہیں. یہ ملاقات اس عمل کا تسلسل ہے جو ہم نے چند ہفتے قبل پٹنہ میں شروع کیا تھا، تمام باشعور جماعتوں کو اس کے خلاف متحد ہو کر نفرت کے خلاف جدوجہد کرنے کی ضرورت ہے۔ پی ایم مودی کو دس سال تک ملک پر حکومت کرنے کا موقع ملا اور انہوں نے تقریباً ہر شعبے کو برباد کر دیا۔

مودی نے عوام میں نفرت پیدا کی ہے، معیشت تباہی کا شکار ہے، مہنگائی عروج پر ہے، تمام شعبوں میں بے روزگاری ہے، بھارت کے لوگوں کو اس سے نجات دلانے کا وقت آگیا ہے، اس لیے تمام ہم خیال جماعتیں اکٹھی ہو رہی ہیں. یہ اپوزیشن میٹنگ اچھی اور نتیجہ خیز ہے. اس کا نتیجہ اس ملک کے لیے فائدہ مند ہوگا، اپوزیشن پارٹیوں کے سربراہی اجلاس میں قائدین نے کیرالہ کے سابق وزیر اعلیٰ اور کانگریس کے سینئر رہنما اومن چنڈی کی یاد میں ایک لمحے کی خاموشی بھی اختیار کی۔

یہ میٹنگ اہم ہے کیونکہ ہم بھارت کو بچانا چاہتے ہیں، ملک زبردست کثیر جہتی حملے کی زد میں ہے، بہتری کے لیے بدلنے کے لیے ملک کو بچانا ہوگا! انگریزوں نے بھارت کو تقسیم کیا اور حکومت کی، آج بی جے پی ملک کو تقسیم اور برباد کر رہی ہے. اس لیے ملک کو بی جے پی سے بچانے کے لیے یہ میٹنگ بلائی گئی ہے، یہ میٹنگ اس لیے اہم ہے کہ قوم ایک نازک دو راہے پر کھڑی ہے۔ اس لیے ہمیں قوم کی حفاظت کرنی ہے اور اپنے ہم وطنوں کے حقوق کا دفاع کرنا ہے۔ ہم سب اس مقصد کے لیے اکٹھے ہوئے ہیں۔ بلاشبہ 2024 میں ہمارا اتحاد ملک پر حکومت کرے اور پرانے دور کو بحال کرے۔