صحافی رعنا ایوب کی پیشگی ضمانت منظور

پولیس نے صحافی رعنا ایوب کے خلاف دعویٰ کیا تھا کہ انہوں نے ایک ٹویٹ کیا تھا جس کی وجہ سے فرقہ وارانہ بدامنی پھیلنے کا خطرہ تھا۔

بامبے ہائی کورٹ نے غازی آباد پولیس کے ذریعہ دائر ایک مقدمے میں صحافی رعنا ایوب کی پیشگی ضمانت منظور کرلی۔

عدالت نے چار ہفتوں کے لیے پیشگی ضمانت منظور کی ہے۔ پولیس نے صحافی رعنا ایوب کے خلاف دعویٰ کیا تھا کہ انہوں نے ایک ٹویٹ کیا تھا جس کی وجہ سے فرقہ وارانہ بدامنی پھیلنے کا خطرہ تھا۔

رعنا ایوب کے خلاف ایف آئی آر رجسٹر کے مطابق انہوں نے حال ہی میں ایک بزرگ مسلمان کی پٹائی سے متعلق ویڈیو ٹویٹ کیا تھا۔

جسٹس پی ڈی نائیک نے انہیں ضمانت دیتے ہوئے چار ہفتوں کا وقت دیا ہے تاکہ وہ عدالت سے رجوع کرسکیں۔