مختلف سیاسی جماعتوں کے قدآور رہنماؤں کی ریلیز آج کہاں کہاں ہیں؟

مغربی بنگال، کیرالہ اور آسام میں اسمبلی انتخابات کی سرگرمیاں عروج پر ہیں اور تمام بڑی سیاسی جماعتوں کے قدآور رہنما ان ریاستوں میں رائے دہندگان کی حمایت حاصل کرنے کے لیے دورے پر نکل چکے ہیں۔

کیرالہ میں اسمبلی انتخابات کی مہم کے ختم ہونے میں اب محض کچھ ہی دن باقی رہ گئے ہیں لہذا تمام چھوٹی بڑی سیاسی جماعتوں کے قدآور رہنما اور اسٹار کیمپینرز زیادہ سے زیادہ ووٹ حاصل کرنے کے لیے جدوجہد اور ریلیز کر رہے ہیں۔ آج اے آئی سی سی جنرل سکریٹری پرینکا گاندھی کی ریلی کیرالہ میں ہوگی۔

کیرالہ کے علاوہ مغربی بنگال اور آسام میں بھی آج متعدد ریلیز ہونی ہیں۔ وزیر داخلہ امت شاہ کی آج آسام میں تین ریلیز ہوں گی۔ پہلی ریلی 11:30 بجے صبح بجنی میں، دوسری ریلی دوپہر 1 بجے ہاجو اور تیسری ریلی سہ پہر 2:40 میں دیسپور میں ہوگی۔

اس کے علاوہ آج کانگریس کے سابق صدر راہل گاندھی بھی آسام میں ایک ریلی سے خطاب کریں گے۔

بی جے پی صدر جے پی نڈا آج تین پروگرامز میں شامل ہوں گے۔ پہلی ایک پبلک ریلی ہگلی صبح 11:40، دوسرا پرسراہ میں روڈ شو دوپہر 1:05 اور تیسرا سہ پہر 2:40 بجے ہاوڑہ ٹاؤن میں بھی روڈ شو میں شرکت کریں گے۔