راجناتھ سنگھ نے ممتا بنرجی کو مبارکباد دی

مغربی بنگال اسمبلی انتخابات میں ترنمول کانگریس کی شاندار جیت پر مرکزی وزیر دفاع راجناتھ سنگھ نے ممتا بنرجی کو مبارکباد پیش کرتے ہوئے نیک خواہشات کا اظہار کیا ہے۔

مرکزی وزیر راج ناتھ سنگھ نے ٹویٹر پر لکھا کہ 'مغربی بنگال کی وزیر اعلیٰ ممتا دیدی کو اسمبلی انتخابات میں ان کی پارٹی کی جیت پر مبارک باد۔ ان کے اگلے دورکے لیے میری نیک خواہشات۔

مغربی بنگال میں ٹی ایم سی کو ملنے والی واضح اکثریت پر متعدد سیاسی رہنماؤں کی جانب سے وزیر اعلی ممتا بنرجی کو مبارک باد دینے کا سلسلہ شروع جاری ہے۔ این سی پی رہنما شردپوار، دہلی کے وزیراعلیٰ اروند کیجریوال، اترپردیش کے سابق وزیراعلیٰ اکھیلیش یادو اور آر جے ڈی رہنما تیجسوی یادو نے ممتا بنرجی کو مبارک باد پیش کی ہے۔