راجیو گاندھی کھیل رتن ایوارڈ کا نام میجر دھیان چند کردیا گیا

راجیو گاندھی کھیل رتن ایوارڈ کے حوالے سے حکومت ہند نے بڑا فیصلہ لیا ہے۔ کھیلوں کی دنیا کا یہ سب سے بڑا ایوارڈ اب میجر دھیان چند ایوارڈ (Major Dhyan Chand Award) کے نام سے جانا جائے گا۔وزیر اعظم مودی نے خود میجر دھیان چند ایوارڈ کا اعلان کیا ہے۔

ٹوکیو اولمپکس میں بھارتی کھلاڑیوں کی کامیابی پر وزیر اعظم مودی نے ٹویٹ کرتے ہوئے کہا کہ 'بہت سے ہم وطنوں کی یہ درخواست ان لمحات کے درمیان بھی سامنے آئی ہے جنہوں نے ملک کا سر فخر سے بلند کیا ہے۔

'ہم وطنوں کی یہ درخواست ہے کہ راجیو گاندھی کھیل رتن ایوارڈ کا نام میجر دھیان چند جی کو وقف کیا جانا چاہیے۔ لوگوں کے جذبات کو مدنظر رکھتے ہوئے اب اس کا نام بدل کر میجر دھیان چند کھیل رتنا ایوارڈ رکھا جارہا ہے۔'

راجیو گاندھی کھیل رتن ایوارڈ اب میجر دھیان چند کے نام پر دیا جائے گا۔ وزیر اعظم مودی نے اس حوالے سے ٹویٹ کیا ہے۔ پی ایم مودی نے بھارتی ہاکی ٹیم کی کارکردگی کا ذکر کیا جنہوں نے اولمپکس میں شاندار کارکردگی کا مظاہرہ کیا ۔

اس حوالے انہوں نے ٹویٹ کیا، 'مردوں اور خواتین کی ہاکی ٹیم کی غیر معمولی کارکردگی نے پورے ملک کی توجہ اپنی جانب کھینچ لی۔'

انہوں نے کہا کہ ہاکی میں نئے سرے سے جو دلچسپی پورے بھارت میں ابھر رہی ہے۔ آنے والے وقت کے لیے یہ ایک بہت ہی مثبت علامت ہے۔ وزیر اعظم مودی نے کہا کہ مجھے ملک کے شہریوں کی جانب سے کھیل رتن ایوارڈ کو میجر دھیان چند کے نام کرنے کے لیے بہت سی درخواستیں موصول ہوتی ہیں۔ میں اس کے خیالات کا شکریہ ادا کرتا ہوں۔'

انہوں نے لکھا کہ لوگوں کے جذبات کا احترام کرتے ہوئے، کھیل رتن ایوارڈ میجر دھیان چند (Major Dhyan Chand Khel Ratna) کھیل رتن ایوارڈ کہلائے گا۔

انہوں نے کہا کہ میجر دھیان چند بھارت کے معروف کھلاڑیوں میں سے ایک رہے ہیں جنہوں نے بھارت کے لیے عزت اور شان و شوکت بڑھائی ہے۔ یہ سچ ہے کہ ہمارے ملک کا سب سے بڑا کھیل اعزاز ان کے نام پر رکھا جائے گا۔