کشمیر میں بارش سے عوام کو شدید گرمی سے راحت

محکمہ موسمیات نے کہا کہ 'جموں و کشمیر اور لداخ میں اتوار کو بھی بارش کا سلسلہ جاری رہنے کا امکان ہے۔ جبکہ پیر سے موسم میں نمایاں بہتری متوقع ہے۔

ہفتہ سے کشمیر میں بارش کا سلسلہ جاری ہے جس سے شدید گرمی کا زور ٹوٹ گیا۔ ادھر محکمہ موسمیات نے پیش گوئی کی ہے کہ پیر کو موسم میں بہتری آئے گی۔

وقفے وقفے سے ہلکی بارش جمعہ کی رات سے شروع ہوئی جبکہ سری نگر سمیت کشمیر کے بیشتر علاقوں میں ہفتہ کی علی الصبح تیز بارش شروع ہوئی۔

محکمہ موسمیات نے کہا کہ 'جموں و کشمیر اور لداخ میں اتوار کو بھی بارش کا سلسلہ جاری رہنے کا امکان ہے۔ جبکہ پیر سے موسم میں نمایاں بہتری متوقع ہے۔

انہوں نے کہا 19 ستمبر تک موسم میں کسی بڑی تبدیلی کا کوئی امکان نہیں ہے۔

محکمہ موسمیات کی طرف سے جاری ایڈوائزی کے مطابق بارش کی وجہ سے سرینگر جموں قومی شاہراہ، مغل روڈ، زوجیلا اور دیگر پہاڑی سڑکوں پر لینڈ سلائیڈنگ اور مٹی کے تودے گرنے کے امکانات ہیں۔

واضح رہے کہ موسم گرما کے دارالحکومت میں جاری مہینے میں بھی سخت گرمی دیکھی جا رہی ہے، جبکہ ماضی میں ستمبر ماہ میں درجہ حرارت کافی خوشگوار ہوا کرتا تھا۔