راہل گاندھی کا ٹوئٹر اکاؤنٹ بحال

کانگریس کے سابق صدر راہل گاندھی نے جمعہ کے روز سوشل میڈیا کمپنی پر شدید نکتہ چینی کرتے ہوئے ٹوئٹر کے اقدام کو بھارت کی سیاست میں مداخلت قرار دیا اور اس پر نریندر مودی حکومت کے کہنے پر کام کرنے کا الزام عائد کیا۔

سوشل میڈیا پلیٹ فارم ٹوئٹر نے ایک ہفتے کے بعد کانگریس لیڈر راہل گاندھی کا ٹوئٹر اکاؤنٹ بحال کردیا ہے۔

کانگریس کے ذرائع نے یہ اطلاع دی ہے۔

قابل ذکر ہے کہ راہل گاندھی نے قومی دارالحکومت میں مبینہ طور پر زیادتی اور قتل کا شکار ہونے والی لڑکی کے اہل خانہ سے ملاقات کی تھی ، اور اس کی تصاویر ٹویٹر پر شیئر کی تھیں ، جس کی وجہ سے مائیکرو بلاگنگ سائٹ ٹویٹر نے ان کا اکاؤنٹ بند کردیا تھا۔

ٹوئٹر نے راہل گاندھی کے ساتھ ساتھ کئی دیگر کانگریس لیڈروں کے اکاؤنٹس کو بند کر دیا تھا۔

کانگریس کے سابق صدر نے جمعہ کے روز سوشل میڈیا کمپنی پر سخت حملہ کرتے ہوئے ٹوئٹر کے اقدام کو ہند کی سیاست میں مداخلت قرار دیا اور اس پر نریندر مودی حکومت کے کہنے پر کام کرنے کا الزام لگایا۔

انہوں نے یوٹیوب پر 'ٹویٹر کا خطرناک کھیل' کے عنوان سے ایک ویڈیو جاری کی تھی ، جس میں الزام لگایا گیا تھا کہ ٹوئٹر ایک غیر جانبدار اور معروضی پلیٹ فارم نہیں ہے اور یہ "حکومت کا وفادار" ہے۔

گاندھی کے علاوہ ٹوئٹر نے پارٹی ترجمان پون کھیڑا کا اکاؤنٹ بھی کھول دیا ہے۔

پون کھیڑا نے کہا ، "اگر آپ میری پوسٹ ہٹا سکتے تھے تو آپ نے میرا اکاؤنٹ کیوں بند کر دیا؟ میں نے نہ تو پوسٹ کو ہٹایا اور نہ ہی اپیل کی ، پھر آپ نے اب میرا اکاؤنٹ کیوں کھول دیا ہے؟ آپ کس کے دباؤ میں کام کر رہے ہیں؟

یو این آئی