نئی دہلی: کانگریس کے سابق صدر راہل گاندھی نے انکیتا بھنڈاری کے انصاف کے لیے بھارت جوڑو یاترا کے دوران مظاہرہ کیا جب کہ پارٹی جنرل سکریٹری پرینکا گاندھی وڈرا نے اتر پردیش کے اوریا میں ایک دلت طالبہ کے قتل پر برہمی کا اظہار کیا۔ کیرالہ میں بھارت جوڈو یاترا کے دوران راہل گاندھی کے ساتھ مظاہرین نے پلے کارڈز اٹھا رکھے تھے جن پر 'بی جے پی بیٹی انکیتا کو انصاف دو، ہندوستان کی خواتین کے ساتھ انصاف کرو' جیسے نعرے درج تھے۔ Rahul Gandhi on Ankita Bhandari Murder Case
اس معاملے پر راہل گاندھی نے ٹویٹ کیاکہ 'وزیر اعظم کا نعرہ - بیٹی بچاؤ بی جے پی کا کرم - ریپسٹ کو بچاؤ، یہ ہندوستان کے پہلے وزیر اعظم ہیں جن کی وراثت ہوگی - صرف تقریریں، جھوٹی اور کھوکھلی تقریریں۔ ان کی حکمرانی مجرموں کے لیے وقف ہے۔ اب ہندوستان خاموش نہیں بیٹھے گا۔'
وہیں کانگریس کے قومی ترجمان نے بی جے پی لیڈر کے بیٹے کی جانب سے ریزورٹ پر بلڈوزر چلانے کی کارروائی کو ایک سوچی سمجھی سازش قرار دیا ہے۔ سپریا نے کہا کہ ریزورٹ پر بلڈوزر چلا کر وہاں ثبوتوں کو تباہ کرنے کی کوشش کی گئی۔ جو نہ صرف اس کارروائی پر بلکہ ریاست کی حکومت پر بھی سوالیہ نشان کھڑا کرتا ہے۔