آسٹریلیا: کسانوں کی حمایت میں پنجابی دلہا دلہن

آسٹریلیا کے شہر میلبرن میں رہنے والے برنالہ کے بھوٹنا گاؤں کے رہائشی لکھویر سنگھ نے اپنی شادی میں پوسٹرز لگا کر کسانوں کے مظاہرے کی حمایت کی ہے۔

پنجاب میں برنالہ سمیت ملک بھر کے کسان زرعی قوانین کی مسلسل مخالفت کر رہے ہیں۔ اس جدوجہد سے پنجاب کے ثقافتی، معاشرتی اور سیاسی تانے بانے متاثر ہورہے ہیں۔

کسان مظاہروں کے درمیان آسٹریلیا کے شہر میلبرن میں رہنے والے برنالہ کے بھوٹنا گاؤں کے رہائشی لکھویر سنگھ نے اپنی شادی میں پوسٹرز لگا کر کسانوں کے مظاہرے کی حمایت کی۔

واضح رہے کہ ملک بھر میں کسان گزشتہ 26 نومبر سے نئے زرعی قوانین کے خلاف احتجاج کر رہے ہیں۔ کسانوں اور ان کی تنظیموں کا مطالبہ ہے کہ اس قانون کو واپس لیا جائے، جبکہ اس دوران حکومت اور کسان رہنماؤں کے ما بین کئی مذاکرے بھی ہوئے لیکن سب بے نتیجہ رہے۔