Tarn Taran RPG Attack ترن تارن آر پی جی حملے کے اہم ملزم سمیت 6 گرفتار

پنجاب پولیس نے بیرونی ممالک سے چلائے جارہے دہشت گردی ماڈیول کا پردہ فاش کرتے ہوئے ترن تارن راکٹ پروپیلڈ گرینیڈ حملہ کیس کو ایک ہفتے سے بھی کم عرصے میں سلجھاتے ہوئے اس سلسلے میں دو نابالغوں سمیت چھ ملزمان کو گرفتار کر لیا گیا ہے۔ یاد رہے کہ گزشتہ 9 دسمبر کی رات تقریباً 11.18 بجے ترن تارن کے سرہالی پولیس اسٹیشن میں آر پی جی داغا تھا۔Punjab Police arrest 6 for attack on Tarn Taran

چنڈی گڑھ/ترن تارن:پنجاب پولیس نے بیرونی ممالک سے چلائے جارہے دہشت گردی ماڈیول کا پردہ فاش کرتے ہوئے ترن تارن راکٹ پروپیلڈ گرینیڈ (آر پی جی) حملہ کیس کو ایک ہفتے سے بھی کم عرصے میں سلجھاتے ہوئے اس سلسلے میں دو نابالغوں سمیت چھ ملزمان کو گرفتار کر لیا گیا ہے۔Tarn Taran RPG Attack

ریاستی پولیس کے ڈائریکٹر جنرل (ڈی جی پی) گورو یادو نے آج یہاں ایک پریس کانفرنس میں یہ اطلاع دیتے ہوئے کہا کہ ملزمین میں سے دو نابالغوں نے ہی گزشتہ 9 دسمبر کی رات تقریباً 11.18 بجے ترن تارن کے سرہالی پولیس اسٹیشن میں آر پی جی داغا تھا۔ انہوں نے بتایا کہ اس حملے کی منصوبہ بندی غیر ملکی مطلوب دہشت گردوں لکھبیر سنگھ عرف لنڈا ہریکے، ستبیر سنگھ عرف ستہ اور گرودیو عرف جیسل کے ذریعہ گوئندوال صاحب جیل میں بند اجمیت سنگھ کی مدد سے کی تھی۔ دو نابالغوں کے علاوہ گرفتار کیے گئے دیگر چار ملزمان کی شناخت گرپریت سنگھ عرف گوپی نمبردار (18) اور جوبن پریت سنگھ عرف جوبن (18) گرلال سنگھ عرف گہلا (19)اور سرلال پال عرف لال عرف لالی (21) کے طور پر ہوئی ہے۔ ان میں سے گوپی نمبردار ، جو کسی دیگر معاملے میں گرفتار تھا،اسے نابالغ ہونے کی وجہ سے عدالت سے ضمانت مل گئی تھی وہ 22 نومبر 2022 کو اپنی رہائی کے ایک دن بعد 18 سال کا ہوگیا تھا اور پھر غیر ملکی ہینڈلرز کے ساتھ رابطے میں آیا۔

ڈی جی پی کے مطابق گرفتار افراد سے دو 32 بور اور ایک 30 بور پستول کے ساتھ ایمونیشن، ایک دستی بم پی۔ 86 اور جرم میں استعمال ہونے والی موٹر سائیکل بھی برآمد ہوئی ہے۔ انہوں نے بتایا کہ حملے میں سوویت دور کا 70 ایم ایم بور کا آر پی جی 26 ہتھیار استعمال کیا گیا تھا، جسے گزشتہ 10 دسمبر کو برآمد کیا گیا تھا۔

انہوں نے بتایا کہ آر پی جی 26 ہتھیار افغانستان میں مجاہدین استعمال کرتے ہیں اور اسے سرحد پار سے ہندوستان لایا گیا تھا۔

یادو کے مطابق، ترن تارن پولیس نے پنجاب پولیس کے کاؤنٹر انٹیلی جنس ونگ کے ساتھ مل کر ایس ایس پی ترن تارن گرمیت چوہان اور ان کی ٹیم کی تکنیکی اور انٹیلی جنس معلومات کی بنیاد پر تحقیقات کی، جس سے معلوم ہوا کہ گوپی نمبردار اور اس حملے میں گرلال گہلا ملوث تھے۔ہریکے اور ستہ نوشہرہ سے براہ راست رابطے میں تھے۔ گوپی نمبردار اور گورلال گہلا کو گزشتہ جمعرات کو پٹی موڈ سرہالی سے گرفتار کیا گیا اور ان کے قبضے سے ایک 32 بور پسٹل معہ 15 کارتوس برآمد کیا گیا۔ ان کے انکشاف پر ایک دستی بم بھی برآمد ہوا ہے۔ یادو نے کہا کہ دونوں شوٹروں نے یوٹیوب ویڈیوز سے اور لنڈا نے ویڈیو کال کے ذریعہ آر پی جی چلانے کا طریقہ سیکھا۔ انہوں نے کہا کہ پولیس معاملے کی مکمل چھان بین کر کے اسے انجام تک پہنچائے گی۔

یو این آئی