چنّی نے ملازمین سے ہڑتال ختم کرنے کی اپیل کی

وزیراعلیٰ چرنجیت سنگھ چنی نے کہا 'میں ملازمین کا نمائندہ ہوں اور تمام ملازمین سے درخواست کرتا ہوں کہ مجھے وقت دیں اور ہڑتال ختم کرکے کام پر واپس آجائیں، آپ کے تمام مسائل حل ہوں گے۔ اگر ہمیں پنجاب کو آگے لے جانا ہے تو مل کر کام کرنا ہوگا ورنہ پنجاب ہر میدان میں پیچھے رہ جائے گا۔ آپ مجھ پر اعتماد کرکے تودیکھئے۔'

پنجاب کے نئے وزیراعلیٰ چرنجیت سنگھ چنی نے طویل وقت سے سڑکوں پر اترے سرکاری ملازمین کویقین دلایا ہے کہ انہیں کچھ وقت درکار ہے۔ آپ سب کام پر واپس آئیں، ایک ایک کرکے ان کے تمام مسائل حل کئے جائیں گے۔

چنڈی گڑھ میں پیر کے روز پریس کانفرنس سے خطاب کرتے ہوئے چننی نے کہا، 'میں ملازمین کا نمائندہ ہوں اور تمام ملازمین سے درخواست کرتا ہوں کہ مجھے وقت دیں اور ہڑتال ختم کرکے کام پر واپس آجائیں، آپ کے تمام مسائل حل ہوں گے۔ اگر ہمیں پنجاب کو آگے لے جانا ہے تو مل کر کام کرنا ہوگا ورنہ پنجاب ہر میدان میں پیچھے رہ جائے گا۔ آپ مجھ پر اعتماد کرکے تودیکھئے۔'

انہوں نے کہا کہ آج ہی تمام سیکرٹریز کو ہدایات جاری کی جائیں گی تاکہ عام آدمی کی رسائی مجھ تک ہو۔ کسی کومجھ تک پہنچنے میں پریشانی نہیں آنے دی جائے گی۔ انہوں نے کہا کہ میں عام لوگوں کی آواز بنوں گا۔

ملک کا اتحاد اور سالمیت سب سے اہم ہے اورسرحدی ریاست ہونے کی وجہ سے ہماری ذمہ داریاں بڑھ جاتی ہیں اور ہمیں سب کو ساتھ لے کر چلنا ہوگا۔ پارٹی کے فیصلے پر حکومت عمل کرے گی۔ حکومت کی ترجیح ریاست میں ذات اورمذہب نہیں بلکہ تمام لوگوں کو ساتھ لے کر چلنا، فرقہ وارانہ ہم آہنگی برقرار رکھنا، امن و امان اور سکون قائم رکھنا اور سب کو انصاف دلانا ہوگا۔

یو این آئی