وزیر اعلیٰ پنجاب کی وزیر اعظم سے پہلی ملاقات

وزیر اعظم سے پہلی ملاقات کے دوران وزیر اعلیٰ پنجاب چرنجیت سنگھ چننی سے تین اہم مسائل پر وزیر اعظم سے گفتگو کی، پہلا پنجاب میں پیداوار کی خرایداری سے متعلق، دوسرا زرعی قوانین کی منسوخی سے متعلق اور تیسرا کوریڈور کا دوبارہ کھولنے سے متعلق۔

وزیر اعلیٰ کا عہدہ سنبھالنے کے بعد پنجاب کے وزیر اعلیٰ چرنجیت سنگھ چننی نے وزیر اعظم نریندر مودی سے ملاقات کی۔ ملاقات کے بعد انہوں نے میڈیا نمائندوں سے بات چیت کی۔ اس دوران انہوں نے وزیر اعظم سے اپنی ملاقات کی بابت تفصیل سے ساری باتیں بتائیں۔

وزیر اعلیٰ پنجاب کی وزیر اعظم سے پہلی ملاقات

چرنجیت سنگھ چننی نے کہا کہ وزیر اعلیٰ کا عہدہ سنبھالنے کے بعد وزیر اعظم سے یہ میری پہلی ملاقات تھی اور یہ ملاقات کسی ایجنڈے کے تحت نہیں تھی بلکہ یہ ایک رسمی ملاقات تھی۔

انہوں نے بتایا کہ' دوران ملاقات میں نے تین اہم معاملے وزیراعظم کے سامنے رکھے، پہلا معاملہ پنجاب میں پیداوار کی خریداری سے متعلق کیوانکہ پنجاب میں فصلوں کی خریداری کا موسم شروع ہو رہا ہے جو پہلے یکم اکتوبر سے شروع ہوتا تھا، اب مرکزی حکومت نے 10 اکتوبر سے کیا ہے۔

چننی نے کہا کہ دوسری چیز زراعت سے متعلق تھی، کیونکہ زراعت ہماری زندگی کا بنیادی ذریعہ ہے، لہٰذا یہ تینوں قوانین منسوخ کرائے جائیں۔

اس بابت وزیر اعظم نے بھی انہین یقین دلایا کہ وہ اس سمت آگے بڑھ رہے ہیں امید ہے کہ جلد ہی ان کسانوں سے بات چیت کا دوبارہ آغاز کیا جائے گا تاکہ مسئلے کا حل نکلے۔

تیسری بات یہ کہ پاکستان اور بھارت کی مابین واقع کوریڈور جو کووڈ-19 کی وجہ سے بند ہے اسے فوری طور پر کھول دیا جائے تاکہ عقیدت مند یہاں زیارت کے لیے آسکیں۔