Delhi Police Violence in JMI جامعہ ملیہ اسلامیہ میں پولیس کی زیادتی کے تین سال مکمل، طلبہ کا احتجاج

سنہ 2019 کو دہلی پولیس نے جامعہ ملیہ اسلامیہ میں داخل ہو کر طلباء پر بری طرح سے لاٹھی چارج کیا تھا۔ پولیس کی اس مبینہ زیادتی کو تین برس مکمل ہوچکے ہیں۔ جس کی یاد میں جامعہ کے طلبہ نے سوگ کے طور پر کینڈل مارچ نکالا اور پولیس کی اس زیادہ کے خلاف احتجاج کیا ہے۔Delhi Police Violence in Jamia Millia Islamia

نئی دہلی:جامعہ ملیہ اسلامیہ کے طلبا نے پولیس بربریت کے تین سال مکمل ہونے پر آج احتجاج کیا اور انصاف کا مطالبہ کیا۔ 15 دسمبر سنہ 2019 کو دہلی پولیس نے جامعہ ملیہ اسلامیہ میں داخل ہو کر طلباء پر بری طرح سے لاٹھی چارج کیا تھا۔ پولیس کی اس مبینہ زیادتی کو تین برس مکمل ہوچکے ہیں۔ جس کی یاد میں جامعہ کے طلبہ نے سوگ کے طور پر کینڈل مارچ نکالا اور پولیس کی اس زیادتی کے خلاف احتجاج کیا ہے۔ اس موقع پر طلبہ نے احتجاج کرتے ہوئے انصاف کا مطالبہ کیا اور کہا کہ جامعہ میں پولیس کی جانب سے جو بربریت کی گئی وہ وائس چانسلر کی لاپروائی کی وجہ سے ہوئی ہے اور اُس رات آر ایس ایس کے غنڈوں نے جامعہ میں داخل ہوکر ہم ظلم کیا جس کے لئے ہم انصاف کا مطالبہ کرتے ہیں۔ Protest of Jamia students against police action on 15 December 20

طلبا کینڈل مارچ کرتے ہوئے مختلف ڈپارٹمنٹ سے نعرے بازی کرتے ہوئے پہلے لائبریری گئے، جہاں پولیس نے طلبہ کے ساتھ بربریت کی تھی۔ اس کے بعد طلبا گیٹ نمبر 7 پر پہنچے اور وہاں دھرنے پر بیٹھ گئے، آخر کار تقریبات تین گھنٹے کے بعد احتجاج ختم ہوا۔ اس دوران پولیس کی نفری کافی تعداد میں تعینات تھی۔

مزید پڑھین:۔Police Violence in Jamia Millia Islamia وہ ستم بھری رات جسے جامعہ ملیہ اسلامیہ کے طلبا کبھی نہیں بھولیں گے

آپکو بتادیں کہ مرکزی حکومت کی جانب سے شہریت ترمیمی قانون بنائے جانے کے بعد ملک بھر میں احتجاج کی لہر اٹھی تھی اور درجنوں شہروں میں پُرامن مظاہرے بھی ہوئے تھے جس میں دہلی کے شاہین باغ اور جامعہ ملیہ اسلامیہ نے اس احتجاج میں بڑھ چڑھ کر حصہ لیا اور اس مسئلہ کو بین الاقامی سطح پر اٹھایا۔ اس دوران مرکزی حکومت کی جانب سے بنائے گئے شہریت ترمیمی قانون کے خلاف احتجاج کر رہے جامعہ ملیہ اسلامیہ کے طلباء دہلی پولیس کے تشدد کا نشانہ بنے تھے اور پولیس نے انہیں بری طرح پیٹا تھا جس میں متعدد طلباء شدید زخمی ہوئے تھے۔