گلبرگہ: ریاست کرناٹک کے شہر گلبرگہ میں مزمل نام کے دو سالہ معصوم بچے Murder of 2 Year Old Boy Muzammil in Gulbarga کے قاتل کو گرفتار کر نے کا مطالبہ کرتے ہوئے انتظامیہ کے خلاف مظاہرہ کیا گیا۔ گذشتہ دنوں گلبرگہ شہر میں مزمل کے قتل کا واقعہ پیش آیا تھا، تاہم ابھی تک قاتل پولیس کی گرفت سے باہر ہے۔
اس معاملے میں قصورواروں کی گرفتاری کے لیے مختلف تنظیموں نے ٹیپو چک رینگ روڈ پر کینڈل مارچ نکال کر انتظامیہ کے خلاف ناراضگی کا اظہار کیا۔
اس موقع پر مزمل کے والد نثار احمد نے کہا کہ آج سے 23 دن قبل میرے بیٹے مزمل کو قتل کرکے ریت میں چھپا دیا گیا تھا۔ پولیس اسٹیشن میں کیس درج کرانے کے باوجود ابھی تک مزمل کے قاتلوں کا سراغ نہیں لگایا جا سکا ہے۔
مزید پڑھیں:۔Two Year Old Boy Murdered in Gulbarga: دو سالہ مزمل کے قتل سے گلبرگہ میں صدمے کا ماحول
اس واقعہ کے بعد مقامی لوگوں میں خوف کا ماحول ہے، جس سے یہاں مختلف تنظیموں کے ذمہ داران نے گلبرگہ انتظامیہ کے خلاف ناراضگی کا اظہار کرتے ہوئے معصوم بچے کے قاتل کو جلد از جلد گرفتار کر نے کا مطالبہ کیا۔