وسیم رضوی کے خلاف بانڈی پورہ میں احتجاج

بانڈی پورہ کے سرحدی علاقہ گریز کے داور میں سینکڑوں افراد نے شعیہ وقف بورڈ کے چیئر پرسن وسیم رضوی کے خلاف زبردست احتجاج کیا۔ واضح رہے کہ وسیم رضوی نے قران مجید کی 26 آیات کو نکالے جانے کے حوالے سے سپریم کورٹ میں ایک عرضی دائر کی ہے۔

وسیم رضوی کے اس اقدام کے خلاف ملک بھر کے مسلمانوں میں شدید ناراضگی پائی جاتی ہے اور اس کے خلاف احتجاج کا سلسلہ جاری ہے۔ اس سلسلہ میں بانڈی پورہ کے سرحدی علاقہ گریز میں تلیل اور داور سے آئے ہوئے سینکڑوں افراد نے احتجاج کیا اور وزیر اعظم سے وسیم رضوی کے خلاف کارروائی کا مطالبہ کیا۔