مرادآباد- کھلاڑیوں کی حوصلہ افزائی کیلئے پروگرام کا انعقاد

ریاست اتر پردیش کے مرادآباد کے جی کے کالج میدان میں نو جوان کھلاڑیوں کی حوصلہ افزائی کیلئے کھلاڑیوں کو انعام اور اعزاز سے نوازا گیا۔ اپنے شہر، اپنے ضلع اور صوبے میں مختلف کھیلوں کے ذریعہ نام روشن کرنے والے کھلاڑیوں کی حوصلہ افزائی کیلئے اس پروگرام کا انعقاد کیا گیا تھا۔

کھلاڑیوں کی حوصلہ افزائی کے اس پروگرام کو میجر دھیان چند کے نام سے منعقد کیا گیا تھا۔ الگ الگ کھیلوں سے آئے تمام کھلاڑیوں کیلئے چار سو میٹر کی دوڑ رکھی گئی تھی اور اس دوڑ میں حصہ لینے والے کھلاڑیوں کے اول آنے پر پچیس سو روپیہ، دوئم نمبر پر آنے والے کو پندرہ سو روپیہ، سوئم نمبر پر آنے والے کھلاڑی کو ایک ہزار روپیہ کے انعام سے نوازا گیا۔

فٹبال کھلاڑی فیضی عباس نے بتایا کہ کھلاڑیوں کی حوصلہ افزائی کیلئے ایسے پروگراموں کا ہونا بے حد ضروری ہے۔ اس سے کھلاڑیوں کو حوصلہ ملتا ہے۔ اس موقع پر سماج وادی پارٹی کے سابق ضلع صدر جےویر سنگھ اور سماج وادی پارٹی کے یووا مورچہ اور چھاتر سَنگھ کے ممبران بھی موجود رہے۔

کھلاڑیوں کی حوصلہ افزائی کیلئے پروگرام کا انعقاد