شہید اے ایس آئی بابو رام کی برسی پر پروگرام کا انعقاد

ضلع پونچھ کی تحصیل مینڈھر میں شہید اے ایس آئی بابو رام کی پہلی برسی کے موقع پر ایک خصوصی پروگرام کا اہتمام کیا گیا۔ ایس ایس پی پونچھ ونود کمار اس پروگرام کے مہمان خصوصی تھے جبکہ شہید کے لواحقین اور مینڈھر انتظامیہ کے افسران خصوصی طور پر موجود تھے۔ اس دوران ہر ایک نے شہید کی تصویر پر پھول چڑھائے اور ان کی زندگی پر روشنی ڈالی۔

بابو رام کی پہلی برسی کے موقع پر ، ان کے اہل خانہ نے مینڈھر کے شہید بابو رام چوک میں ایک پروگرام کا اہتمام کرکے انہیں خراج تحسین پیش کیا۔ اس موقع پر ایس ایس پی پونچھ نے لواحقین کو حوصلہ دیتے ہوئے کہا کہ شہید بابو رام کی شہادت کو کبھی فراموش نہیں کیا جا سکتا اور اگر ان کے رشتہ داروں کو کسی قسم کی مدد کی ضرورت ہو تو پولیس کبھی پیچھے نہیں ہٹے گی۔ صرف پولیس ہی نہیں ، پورا ملک شہداء کے خاندانوں کے ساتھ ہے۔

یاد رہے کہ 29 اگست 2020 کو اے ایس آئی بابو رام نے سرینگر کے پانتھا چوک پر دہشت گردوں کے حملے کے دوران کئی معصوم جانیں بچائیں۔

جب بابو رام 29 اگست 2020 کو انکاؤنٹر کے دوران شہید ہوے تو اس نے تین خوفناک دہشت گردوں کو ہلاک کر دیا تھا۔ ان کی شہادت کے بعد ، انہیں حکومت ہند کی جانب سے ملک کے سب سے بڑے اعزاز اشوک چکر سے نوازا گیا۔ شہید بابو رام جی کے بیٹے نے کہا کہ مجھے اپنے والد پر فخر ہے لیکن دکھ بھی ہے کہ وہ ہمارے درمیان اب نہیں ہیں۔ لیکن انہوں نے ملک کے لیے جو کچھ کیا وہ تاریخ کے صفحات میں درج ہے جسے کوئی بھی کبھی نہیں بھول سکتا۔